Համաճարակի իրավիճակը Հայաստանում անվերահսկելի է դարձել, ինչի մասին են վկայում են մահացածության և պատվաստումների ցուցանիշները: Այս անկառավարելի վիճակին հակառակ՝ խորհրդարանական ընդդիմության մաս կազմող «Հայաստան» դաշինքը հայտարարել է չարաբաստիկ հայտարարության մեկ տարին լրանալու օրվանից ՝նոյեմբերի 9-ից զանգվածային հանրահավաքներով փողոցային պայքարի վերսկսման մասին՝պահանջելով վարչապետի հրաժարականը և նպատակ ունենալով վերցնել իշխանությունը: Այս որոշման համար որպես պատճառ՝ խմբակցությունը մասնավորապես նշել է, որ հանրահավաքները իրականացնելու են «ոչ թե գաղտնի հերթական փաստաթղթերի՝ Փաշինյանի կողմից հնարավոր ստորագրման տեղեկությունների պատճառով՝ իբրև թե կանխելու այդ ամենը, այլ հանրահավաքներն ընդամենը ընդդիմության՝ փողոցային պայքար ազդարարելու նպատակ ունեն»: Ուշագրավն այն է, որ վաարչապետ Նիկոլ Փաշինյանը այդ նույն ընդդիմությանը խորհրդարանի դահլիճում առաջարկեց փակ ձևաչափով հանդիպում անցկացնել,որի ժամանակ ընդդիմադիրները հնարավորություն կունենան տալ,քննարկել իրենց հուզող բոլոր հարցերը,ինչպես նաև հարց հղեց, թե որ ուժը կարող է հայտարարել՝գալով իշխանության ի զորու կլինի չեղարկել Նոյեմբերի 9-ի հայտարարությունը: Հարցին պատասխան դահլիճից այդպես էլ չլսվեց, բայց հանդիպելու առաջարկը երկու ուժերն էլ մերժեցին: Ինչ վերաբերվում է կորոնավիրուսի դեմ պատվաստման գործընթացին, ինչպես գիտենք, այս երկու ուժերի ներկայացուցիչները անթաքույց շարունակ քննադատել և հակաքարոզչություն են տարել թե´ վարակի դեմ պայքարի խստացումների, թե պատվաստումների և թե´ պատվաստանյութերի վերաբերյալ: Ավելին՝ համավարակի դեմ պարտադիր պատվաստման մասին ԱՆ-ի հրամանը «Հայաստան» դաշինքը համարել է ոչ իրավաչափ և վիճարկել է այն ՍԴ-ում:
Քաղաքացու որոշում կուսակցության նախկին անդամ Գարեգին Միսկարյանը մեզ հետ զրույցում նշեց, որ իր համար զարմանալի չէ ոչ համաճարակային այս վիճակը ոչ է ընդդիմության դիրքորոշումն ու վարքագիծը, որովհետև, ըստ նրա, այս խորհրդարանը, թեև արտացոլոլում է ինչ-որ չափով մեր ժողովրդի քաղաքական մտածողությունը և հասունությունը, սակայն պետականաշինությունից հեռու, անառողջ, վնասակար է: Միսկարյանի կարծիքով՝ այս ընդդիմության բնույթն այնպիսին է, որ չի կարող հաշվի առնել անգամ հարազատ, սիրելի մարդկանց առողջությունն ու կյանքը, ընդհանրապես մարդկանց կյանքերը փրկելու անհրաժեշտությունը, որովհետև ամեն ինչը ցանկանում է միջոց դարձնել՝ իշխանությունը զավթելու համար: Մեր զրուցակիցը համոզված է՝ ընդհանրապես ամբողջ քաղաքական դաշտն է ոչ պետականամետ , անբովանդակ և անգաղափարական՝այդ թվում իշխող ուժը, որը ևս չունի այդքան կարողություն գաղափարական հարթության մեջ մնալու և արդյունավետ կառավարելու, բավարարվում է իշխանության պահպանման խնդիր լուծելով: Արդյունքում, ըստ Գարեգին Միսկարյանի, երեք տասնամյակների կտրվածքով մեր ունեցած բոլոր իշխանությունների պայքարը եղել է ամեն միջոցներով, ռեսուրսներով իշխանությունը վերցնելու, պահպանելու համար՝ տանուլ տալով պետության համար ամենակարևոր, ճակատագրական խնդիրներն, ինչպիսին այսօր նաև համավարակն է:
Գալով համավարակին՝ Միսկարյանը նշեց, որ իշխանությունը նախ սխալ թույլ տվեց՝ ի սկզբանե չգիտակցելով և լուրջ չվերաբերելով համավարակի սպառնալիքներին,ապա՝ չկարողացավ կառավարել պատվաստանյութերի, պատվաստման հանրայնացումը, իրազեկումը անգամ այն բանից հետո, երբ պատվաստանյութի խնդիր չունեինք: Նա, որպես իշխանության կողմից սխալ, ոչ օրինակելի, վարքագիծ, մատնանշեց համավարակի սկզբում սահմանադրական հանրաքվեի համար քարոզաշավ անցկացնելը, որի ընթացքում վարչապետը ժողովրդի առաջ կատակում էր, թե օղիով կամ նմանատիպ այլ միջոցներով կկարողանանք վիրուսը հաղթահարել: «Ինչ վերաբերում է ընդդիմության վարքագծին, կարծում եմ՝ նրանց կողմից տարվող ակտիվ հակապատվաստումային քարոզչությունը շատ ապակողմնորոշիչ դեր խաղաց հասարակության վրա: Պատճառն այն է, որ այդ ուժերը տիրապետում են հսկայական մեդիա ռեսուրսների: Ցույցերի վերաբերյալ կասեմ ,որ ընդդիմադիր ուժերը իշխանությունը վերականգնելու ռևանշիստական պայքարում շոշափելի հաջողության չեն հասնի,որովհետև չեմ կարծում նրանց վստահող, հավատացող համակիրները, եթե չեն նվազել, հաստատապես չեն շատացել, ու դա կարտահայտվի այդ ցույցերում»,- ընդգծեց Գարեգին Միսկարյանը:
