«Առաջին լրատվական»-ի տեղեկություններով՝ ՀՀԿ-ական նախկին պատգամավոր Առաքել Մովսիսյանի եղբոր՝ Միհրան Մովսիսյանի որդին՝ Ռոբերտ Մովսիսյանը, ով դատապարտվել էր 12 տարի ազատազրկման թմրանյութի առքուվաճառքի գործով, նոր մեղադրանք է առաջադրվել։
Հիշեցնենք, որ Ռոբերտ Մովսիսյանին մեղադրանք էր առաջադրվել այն բանի համար, որ նա ընկերոջ՝ Արթուրոս Պելիվանիդիսի հետ նախնական համաձայնությամբ, իրացնելու նպատակով թրմամիջոց ձեռք բերելու դիտավորությամբ Նիդեռլանդների Թագավարությունում բնակվող ընկերոջ՝ Հովսեփ Հովսեփյանի օժանդակությամբ այդ երկրում ապօրինի ձեռք են բերել առանձնապես խոշոր չափերով՝ 44.76 գրամ կոկաին տեսակի թմրամիջոց եւ դրդել են վերջինիս մաքսանենգ ճանապարհով՝ առանց մաքսային հսկողության ՀՀ պետական սահմանով տեղափոխել այդ խմբաքանակը: Ռոբերտ Մովսիսյանին մեղադրանք էր առաջադրվել միանգամից երկու հոդվածով:
Այժմ, Ռոբերտ Մովսիսյանին կալանավայրում ծեծկռտուքի համար նոր մեղադրանք է առաջադրվել։ Նա նախկինում ևս եղել է դատապարտված ինչ-որ խարդախության համար։
Ուշագրավ է նաև այն հանգամանքը, որ «նարկոբարոն» Ռոբերտ Մովսիսյանը ձերբակալվել էր ԱԱԾ նախկին պետ Կառլոս Պետրոսյանի խնամուն պատկանող «Ռիցար» հյուրանոցային կոմպլեքսում` որտեղ պետք է ստանար Հոլանդիայից բերված կոկաինը։