«Օրրան» բարեգործական հասարակական կազմակերպությունում, որը գործում է 2000 թվականից, սնվում և կրթվում են մուրացիկ և անապահով ընտանիքների երեխաներ: Կազմակերպության ղեկավար Արմինե Հովհաննիսյանը մեզ հետ զրույցում նշեց, որ երբ «Օրրանը» հիմնվեց, 16 երեխայի էր պատսպարում, այնինչ այսօր Երևանի «Օրրանի» մասնաճյուղում երեխաների թիվը հասնում է 96-ի, իսկ Վանաձորում՝ 55-ի:
Սկզբնական շրջանում ֆինանսական խնդիրները հոգացել է Հովհաննիսյանների ընտանիքը, սակայն հետագայում մի շարք բարեգործներ ցանկացել են իրենց ներդրումն ունենալ: Ավելին՝ վերջն տարիներին «Օրրանը» բարեգործական ճաշկերույթ է կազմակերպում, որից ստացված հասույթը ծախսվում է երեխաների խնդիրները հոգալու համար:Այս տարի բարեգործական ճաշկերույթը տեղի կունենա սույն ամսվա 19-ին, ժամը 19:00-ին:
Ինչպես տեղեկացանք տիկին Արմինե Հովհաննիսյանից, Երևանի «Օրրանի» համար տարեկան պահանջվում է 200 հազար դոլար, իսկ Վանաձորի «Օրրանի» համար՝ 100 հազար դոլար: Ի դեպ, երբ երեխաներին հարցնում էինք, թե իրենց ծնողները ինչով են զբաղվել, նրանք ոչ թե իրականությունը, այլ իրենց երազանքներն էին ներկայացնում: Այնինչ՝ թե՛ իրենցից շատերը, թե՛ նրանց ծնողները զբաղվում են կամ զբաղվել են մուրացկանությամբ:
Առաջարկում ենք «Օրրանի» գործունեությանը և այստեղ պատսպարված երեխաների առօրյային ծանոթանալ տեսանյութի միջոցով:
