ԱԺ արտահերթ ընտրություններում ընտրակաշառքի վերաբերյալ առաջին քրեական գործն ուղարկվեց դատարան։
Լոռու մարզի Արջուտ գյուղի բնակչուհու կողմից 2021թ. հունիսի 20-ին կայանալիք Հատուկ քննչական ծառայությունը երեկ տեղեկացրեց, որ ՀՀ ԱԺ արտահերթ ընտրությունների նախընտրական փուլում՝ հունիսի 18-ին, «Պատիվ ունեմ» կուսակցությունների դաշինիքի օգտին քվերարկելու նպատակով իր երկու համագյուղացի ընտրողներին որպես ընտրակաշառք տարբեր չափի գումարներ առաջարկելու դեպքի առթիվ հարուցված քրեական գործով նախաքննությունն ավարտվելու վերաբերյալ:
Քրեական գործը, ըստ մեղադրանքի՝ մեկ անձի, հաստատված մեղադրական եզրակացությամբ երեկ ՀՀ գլխավոր դատախազությունից ուղարկվել է Լոռու մարզի առաջին ատյանի ընդհանուր իրավասության դատարան՝ ըստ էության քննելու նպատակով։
Նկատենք, սակայն, որ ընտրակաշառքի առաջարկությունն ընդունած անձը խոստովանել է կատարվածը, աջակցել հանցագործության բացահայտմանը, դատախազի համաձայնությամբ վարույթն իրականացնող մարմինը որոշում է կայացրել գործուն զղջալու հիմքով վերջինիս նկատմամբ քրեական հետապնդում չիրականացնելու մասին:
Նկատենք, որ ընտրություններից առաջ տարբեր փաստաբաններ, իրավաբաններ, իրավապաշտպաններ զգուշացնում էին, որ չբարեփոխված դատաիրավական համակարգը կարող է պատուհաս դառնալ հետընտրական փուլում, երբ սկսեն քննվել ընտրական հանցագործությունների վերաբերյալ գործերը։
Այս հարցի հետ կապված «Հանուն հանրապետության» կուսակցություը անգամ ակցիա իրականացրեց Բարձրագույն դատական խորհրդի շենքի դիմաց՝ իշխանություններին զգուշացնելով հնարավոր վտանգները։ Այսօր կուսակցության ղեկավար մարմնի անդամ, փաստաբան Վահագն Մարտիրոսյանից հետաքրքրվեցինք՝ վստահություն ունե՞ն, որ այս ընտրական վեճերը ՍԴ-ում, կամ ընտրակաշառքի գործերը դատարանում կարող են արդարացիորեն քննվել և արդարացի ելք ունենալ։ Փաստաբանի խոսքով, եթե ապացույցները անհերքելի լինեն, վիճարկման հնարավորություն չլինի, ապա որքան էլ որ դատական համակարգը ընդհանուր առմամբ և կոնկրետ դատավորներ այլ դիրքորոշում ունենալ՝ չեն կարող բացի մեղադրական դատավճռից այլ դատավճիռ կայացնել։ Բայց եթե մեղադրական ապացույցների փաթեթը թույլ լինի, պաշտպանական կողմն էլ լավ տիրապետի իր գործին և վիճարկող փաստարկներ բերել, ապա ներկայիս դատական համակարգի պարագայում և մասնավորապես մի քանի դատավորների առկայության պարագայում հնարավոր կլինի «ջրել» ընտրական հանցագործությունների վերաբերյալ գործերը.«Իհարկե, այս դատական համակարգի պարագայում համակարգում եղած այն բոլոր դատավորները, որոնք դիմադրում են բարեփոխումներին, առիթից օգտվելու են և կայացնելու են ոչ մեղադրական դատավճիռներ։ Բայց դրա մեղավորությունը լինելու է ոչ թե դատական համակարգինը, այլ լինելու է մեղադրող կողմին՝ ոչ պատշաճ աշխատանքի, բավարար ապացույցներ գործի հիմքում չդնելու համար, իսկ եթե ապացուցողական բազան լինի անհերքելի, անվիճելի, ապա որևէ դատավոր չի կարողանալու դրա դեմ որևէ բան անել, որքան էլ ցանկանա։ Կարծում եմ, որ որքան էլ դատական համակարգը հիվանդ լինի՝ մեղադրող կողմի պատշաճ աշխատանքի պարագայում որևէ դատավոր չի կարող այլ վճիռ կայացնել»,-ընդգծեց Մարտիրոսյանը՝ ավելացնելով.«Բայց ընտրություններից առաջ մեր զգուշացրած վտանգները դեռ կան, ոչինչ չի փոխվել, նույն իրավիճակը պահպանվել է և այս իշխանություններւ, այս կառավարությունը երկորրդ անգամ վստահության մանդատ ստանալով պետք է կարողանա պետք է ի վերջո փոփոխություններ իրականացնի առկա վտանգները զրոյացնելու համար։ Հակառակ դեպքում շատ ավելի վատ պատկեր կարող ենք ունենալ»։
Լուսանկարը՝ panorama.am-ի