«Անկախ դիտորդ» դաշինքի ներկայացուցիչ Դանիել Իոաննիսյանն իր ֆեյսբուքյան էջում գրել է.
«Սոցիոլոգ ներկայացող մեկը (ով, իրականում, հետևողականորեն խայտառակում է այդ մասնագիտությունը) այսօր կրկին շահարկել է քվեարկության օրը հոսանքազրկումների թեման:
Եվս մեկ անգամ հայտարարում եմ, որ հոսանքազրկումը չի ազդել ընտրությունների արդյունքների վրա:
Մենք համեմատել ենք ԱԺ անցած 3 ուժերի ձայները բոլոր հոսանքազրկված ընտրատեղամասերում և այդ տեղամասերը
ներառող տարածքներում: Ուժերից և որևէ մեկը հոսանքազրկված տեղամասերում չի ստացել իր՝ այդ տարածաշրջանում հավաքած ձայներից էպես ավել կամ պակաս քվե (տե՜ս գծապատկերը):
Եվս մեկ անգամ հիշեցնեմ, որ ՀԷՑ-ի փոխտնօրենը՝ Դավիթ Ղազինյանը, «Հայաստան» դաշինքով թեկնածու Արթուր Ղազինյանի եղբայրն է և հրապարակայնորեն ակտիվ զբաղված է այդ դաշինքի քարոզչությամբ: Ավելին, «Անկախ դիտորդը» բազմաթիվ ահազանգեր է ստացել այն մասին, որ ՀԵՑ-ում աշխատողներին ստիպում են մասնակցել «Հայաստան» դաշինքի հավաքներին ու քվեարկել այդ դաշինքի օգտին: Արդեն ակնհայտ է դառնում, թե ում կողմից և ինչի համար էր կազմակերպվել հոսանքազրկումը:
Իսկ այդ «սոցիոլոգը», հիշեցնեմ, ներկայացնում է կեղծ «Գելլափը» և տարիներ շարունակ ընտրությունների նախաշեմին քաղաքական պատվերով սոցհարցումների արդյունքներ է «նկարում»… Բարեբախտաբար, ընտրություն կեղծելն այդքան հեշտ չէ, որքան սոցհարցումը»: