Առնվազն մեկ հրշեջ է մահացել թուրքական հայտնի Մարմարիս հանգստավայրի մերձակայքում խոշոր հրդեհը մարելու ժամանակ, հայտնում է Թուրքիայի անտառտնտեսության վարչությունը:
Նշվում է, որ կիրակի առավոտյան բռնկված անտառային հրդեհը ուժեղ քամու և չոր շոգ եղանակի պատճառով արագ տարածվել է մեծ տարածությունների վրա: Հրդեհի մարմանը մասնակցում են 10 ուղղաթիռ և 40 հրշեջ մեքենա:
Տեղի իշխանությունների խոսքով ՝ ձեռնարկվում են բոլոր անհրաժեշտ միջոցառումները զբոսաշրջիկների անվտանգությունն ապահովելու համար: Նրանց տարհանման անհրաժեշտություն դեռ չկա: