Ռուսաստանի նախագահ Վլադիմիր Պուտինը արեւմտյան երկրներին առաջարկել է նոր «անվտանգության հավասարեցում»: Այս մասին նա ասել է միջազգային անվտանգության հարցերով մոսկովյան խորհրդաժողովի մասնակիցներին ուղղված տեսաուղերձում, չորեքշաբթի` հունիսի 23-ին, հաղորդել է Կրեմլի մամուլի ծառայությունը:
«Ռուսաստանը առաջարկել է նոր «անվտանգության հավասարեցում» մշակելու տարբերակ: Այն պետք է հաշվի առնի նրանց փոխկապակցման գործընթացում ռազմավարական կայունության վրա ազդող բոլոր գործոնները: Համոզված ենք, որ քաղաքական կամքը և փոխզիջման պատրաստակամությունը կարող են դրական արդյունք տալ: Դրա վառ վկայությունը Ռուսաստանի և ԱՄՆ-ի կողմից Ռազմավարական հարձակողական զենքի կրճատման մասին պայմանագրի երկարաձգումն է մինչև 2026 թվականը», – ասել է Պուտինը:
Նա հավաստիացրել է, որ Մոսկվան ձգտում է նվազեցնել ռիսկերը, ապահովել կանխատեսելիություն և լուծել տարաձայնությունները երկխոսության և կոնկրետ համաձայնագրերի միջոցով, այդ թվում`սպառազինությունների վերահսկման ոլորտում:
