Եվրոպական խորհուրդը դատապարտում է Բելառուսում Ryanair-ի ինքնաթիռի հարկադիր վայրէջքը և ընդդիմադիր լրագրող Ռոման Պրոտասևիչի և նրա ընկերուհու ձերբակալությունը։ Այս մասին ասվում է Եվրոպական խորհրդի գագաթնաժողովի արդյունքներով հայտարարության մեջ։
Որոշում է ընդունվել՝ արգելելու բելառուսական ավիաընկերությունների թռիչքները ԵՄ-ում։ Իրենց ավիաընկերություններին եվրոպացի առաջնորդները նաև խորհուրդ են տվել հրաժարվել թռիչքներից դեպի Մինսկ։
ԵՄ-ն կոչ է արել Քաղավիացիայի միջազգային կազմակերպությանը հրատապ հետաքննել միջադեպը։ Կոչ է արվել ԵՄ-ում տեղակայված ավիափոխադրողներին խուսափել Բելառուսի երկնքով թռիչքներից։
Միջադեպի ֆոնին՝ Բելառուսի նկատմամբ հավելյալ պատժամիջոցների սահմանման կոչ է արվել։ ԵՄ անդամները պահանջել են ազատ արձակել բելառուսցի լրագրող Ռոման Պրոտասևիչին և նրա ընկերուհուն։
