Ուկրաինայի նախագահ Վլադիմիր Զելենսկին գործողության մեջ է դրել պատժամիջոցների սահմանման վերաբերյալ Ազգային անվտանգության և պաշտպանության խորհրդի՝ մայիսի 14-ի որոշումը։ Մայիսի 21-ին հրապարակված հրամանի համաձայն՝ «սև ցուցակում» հայտնվել է 138 ընկերություն, այդ թվում ռուսական հեռուստաալիքները և ԶԼՄ-ները (Первый канал, НТВ, ВГТРК, ТНТ, РЕН ТВ, Звезда, Россия сегодня, РБК, Московский комсомолец, Москва Медиа, Известия, АО ТВ Центр): Ցուցակում են հայտնվել նաև Ղրիմի մի քանի ԶԼՄ-ներ՝ Крымская газета, Студия Ялта ТВ և այլն։
Պատժամիջոցները նախատեսված են 3 տարով։ Դրանք սահմանում են ակտիվների արգելափակում, առևտրային գործարքների դադարեցում, Ուկրաինայի սահմաններից կապիտալի դուրսբերման կանխում և այլ սահմանափակումներ։
Վերոնշյալ հրամանով պատժամիջոցներ են սահմանվել նաև 674 անձանց նկատմամբ, որոնց թվում կան քրեական հեղինակություններ։
