Ռուսաստանը ուշադրությամբ հետևում է հայ-ադրբեջանական սահմանին տիրող իրավիճակին և ռազմական սահմանային ծառայությունների միջոցով պահպանում է գործառնական կապերը: Այս մասին ասվում է երեքշաբթի օրը տարածված ՌԴ ԱԳՆ մեկնաբանության մեջ:
«Մենք շարունակում ենք սերտորեն հետևել իրավիճակին` կապված Ադրբեջանի և Հայաստանի միջև սահմանային միջադեպի հետ: Ռուսական կողմն աջակցություն է տրամադրում Բաքվին և Երևանին՝ բարձր մակարդակի կանոնավոր շփումների միջոցով լարվածությունը թուլացնելու հարցում: Մեր երկրների ռազմական և սահմանային ծառայությունների միջև գործող կապերը պահպանվում են»,- նշված է նախարարության հաղորդագրության մեջ:
