Մոսկվան հուսով է, որ ոչ ոք չի ձգձգի մերձավորարևելյան կարգավորմանը նվիրված միջազգային խորհրդաժողով կազմակերպելու աշխատանքը, երկրի իրադրությունը պահանջում է արագ և պատասխանատու որոշումներ: Այդ մասին հայտարարել է ՌԴ արտաքին գործերի նախարար Սերգեյ Լավրովը, տեղեկացնում է:
Ինչ վերաբերում է խորհրդաժողովին, ապա դա մեր վաղեմի նախաձեռնությունն է: Բայց այժմ դա արդեն Մահմուդ Աբասի նախաձեռնությունն է, որին մենք աջակցում ենք և որի մշակմանը նվիրված կլինի և պետք է նվիրված լինի հատուկ գործընթաց՝ քառյակի շրջանակներում: Մենք դրանով զբաղվում ենք»,- ասել է ռուսաստանցի նախարարը՝ հանդես գալով պաղեստինցի իր պաշտոնակից Ռիյադ ալ-Մալիքիի հետ կայացած բանակցությունների արդյունքներին նվիրված մամուլի ասուլիսում:
Նա նշել է, որ նախաձեռնությունը հանգամանալի նախապատրաստման կարիք ունի:
«Կարծում եմ, որ քառյակի գծով և Արաբական պետությունների լիգայի հետ քառյակի փոխգործակցության շրջանակներում նման նախապատրաստում իրականացնելը միանգամայն իրատեսական է: Հուսանք, որ ոչ ոք պատրվակներ չի օգտագործի այդ աշխատանքը ձգձգելու համար, որովհետև երկրի իրադրությունը պահանջում է արագ և պատասխանատու որոշումներ»,- ասել է Լավրովը:
Նա նշել է, որ նախաձեռնությունը ներկայացված է, այն գտնվում է քննարկման փուլում, իսկ «քննարկումների փուլը ենթադրում է այն անձանց համոզմունքների անհրաժեշտություն, ովքեր ինչ-որ կասկածներ ունեն»:
«Մենք դրանով զբաղվում ենք և կշարունակենք զբաղվել: Հուսով եմ, որ շատ ժամանակ չի պահանջվի»,- հավելել է նա: «Թեև պաղեստինա-իսրայելական գործերում ամեն բան եղել է, բայց, դասեր քաղելով անցյալից, կջանանք ընդհատումներ թույլ չտալ»,- ընդգծել է Լավրովը:
