ՈՒԵՖԱ-ն կտրուկ հայտարարությամբ է հանդես եկել Սուպերլիգայի ստեղծման վերաբերյալ:
ՈՒԵՖԱ-ի նախագահ Ալեքսանդր Չեֆերինը հայտարարություն է արել, որում մասնավորապես ասված է. «Այն ֆուտբոլիստները, որոնք հանդես կգան Սուպերլիգայում, իրավունք չեն ստանա մասնակցելու Եվրոպայի և աշխարհի առաջնություններին: Նրանք չենք կարողանա ներկայացնել իրենց հավաքականները: ՈՒԵՖԱ-ն և աշխարհը կհամախմբվի այդ սարսափելի առաջարկի դեմ, որն առաջարկեն են մի քանի ֆուտբոլային ակումբներ, որի հիմքում ագահությունն է»:
Ֆուտբոլային եվրոպական 12 ակումբներ համաձայնության են եկել Սուպերլիգա ստեղծելու գաղափարի շուրջ: Սուպերլիգան իրենից կներկայացնի 20 թիմերից կազմված մրցաշար, որոնցից 15-ը կլինեն անփոխարինելի ակումբներ: Մյուս 5 թիմերը իրավունք կստանան մասնակցելու մրցաշարին՝ հաղթահարելով որակավորման փուլը:
Հիմնադիրները «Ռեալ», «Յուվենտուս», «Մանչեսթեր Յունայթեդ», «Բարսելոնա», «Ատլետիկո», «Միլան», «Ինտեր», «Մանչեսթեր Սիթի», «Լիվերպուլ», «Արսենալ», «Չելսի» և «Տոտենհեմ» թիմերն են: Սուպերլիգայի նախաձեռնողներն են Մադրիդի «Ռեալի» նախագահ Ֆլորենտինո Պերեսը, «Յուվենտուսի» նախագահ Անդրեա Անյելին և «Մանչեսթեր Յունայթեդի» սեփականատերեր Գլեյզեր եղբայրները: Մասնակից ակումբները նախնական կստանան 89-310 միլիոն եվրո: