Մեծ Բրիտանիայի քաղաքացիները սկսել են ծաղիկներ դնել Բուքինգհեմյան պալատի և Ուինձորի ամրոցի մոտ՝ ի հիշատակ Եղիսաբեթ Երկրորդ թագուհու մահացած ամուսնու՝ արքայազն Ֆիլիպի: Այնուամենայնիվ, Լոնդոնը հորդորել է դա չանել, քանի որ կորոնավիրուսը շարունակում է տարածվել, գրում են բրիտանական լրատվամիջոցները:
«Մենք խնդրում ենք հասարակությանը չհավաքվել արքայական նստավայրերի մոտ և շարունակել պահպանել առողջապահական մարմինների խորհուրդները, այդ թվում՝ խուսափել մեծ խմբերով հավաքվելուց», – ընդգծել է Բրիտանիայի կառավարության քարտուղարության մամուլ քարտուղարը:
Ծաղկեփունջ գնելու փոխարեն, թագավորական ընտանիքը խնդրել է քաղաքացիներին գումար նվիրաբերել բարեգործական կազմակերպությանը:
Արքայազն Ֆիլիպը կյանքից հեռացավ 99 տարեկան հասակում՝ իր 100-ամյակից երկու ամիս առաջ:
