Հավաքական անվտանգության պայմանագրի կազմակերպության (ՀԱՊԿ) անդամ պետությունների միջև ռազմական համագործակցության զարգացման հարցերով ռազմական կոմիտեի նիստը տեղի կունենա ապրիլի 14-ին՝ «Պատրիոտ» զբոսայգում:
Ինչպես MK-ին հայտնել են ՀԱՊԿ միացյալ շտաբի մամուլի ծառայությունից, նիստն անցնելու է Ռազմական կոմիտեի նախագահ, Ռուսաստանի գլխավոր շտաբի պետ Վալերի Գերասիմովի գլխավորությամբ: Նախատեսվում է Հայաստանի, Բելառուսի, Ղազախստանի, Ղրղզստանի, Տաջիկստանի զինված ուժերի գլխավոր շտաբների պետերի և ՀԱՊԿ միացյալ շտաբի պետի մասնակցությունը: Կքննարկվեն Արևելյան Եվրոպայի, Կովկասի և Կենտրոնական Ասիայի տարածաշրջաններում ռազմական անվտանգության մարտահրավերներն ու սպառնալիքները: ՀԱՊԿ երկրների բանակների զորահրամանատարները կքննարկեն նաև ճառագայթման, քիմիական և կենսաբանական պաշտպանության և բժշկական աջակցության համատեղ ստորաբաժանման ստեղծման հարցը: