Նյու Յորքի SALON64 գեղեցկության սրահի առաջատար ստիլիստ Գարեթ Ուիլյամը մամուլին պատմել է գլուխը լվանալու ճիշտ տեխնիկան: Սկզբի համար նա խորհուրդ տվեց նախ սանրել մազի ներքևի շերտը` առավել խճճված խոպոպները, որոնք շփվում են հագուստի հետ:
Ինչպես Ուիլյամն ասաց The Sun-ին, հետո պետք է մազերը ամբողջությամբ թրջել: Շամպունը պետք է հավասարաչափ տարածվի գլխի վրա: Ջրի ջերմաստիճանը պետք է ճիշտ լինի: Այն չպետք է շատ սառը կամ շատ տաք լինի: Դրանից կախված է գլխի ճարպագեղձերի ակտիվացումը:
Շամպունը քսելիս ջրի շիթի տակ մի կանգնեք։ Պարզվում է՝ շամպունը շատ չպետք է ջրիկացնել: Շիշից հեղուկը լցրեք ափի մեջ, ու տարածեք:
Շամպունը պետք է քսել մազերի աճի երկայնքով, այնուհետև մազերը հավաքել ձիու պոչի պես և հեղուկը տարածել ամբողջ երկարությամբ: Դրանից հետո մատները մերսեք գլուխը՝ գագաթից դեպի ականջները, ապա գագաթից դեպի ծոծրակ:
«Շարժումների այս հաջորդականությունը պետք է կրկնվի երեք անգամ»,- ասաց փորձագետը: Գլուխը լվանալու ամբողջ ընթացակարգը պետք է կրկնել երկու անգամ:
Շամպունը լվանալուց հետո թողեք մազերը փոքր-ինչ ցամաքեն, ապա կոնդիցիոներ քսեք: Հատուկ ուշադրություն դարձրեք մազերի ծայրերին, ապա բալզամը տարածեք ամբողջ երկարությամբ: Դրանից հետո մազերը սանրեք, մի քանի րոպե սպասեք, որպեսզի կոնդիցիոների ակտիվ բաղադրիչները ներծծվեն մազերի մեջ:
Կրկին մազերը ցողեք ջրով, չորացրեք փափուկ սրբիչով, փաթաթեք գլխի շուրջն ու ամրացրեք։ Ոչ մի դեպքում չի կարելի մազերը սրբիչով շփել: Դա վնասում է մազերի կառուցվածքը, հիշեցրեց Ուիլյամը: