Այո, Հայաստանում արտահերթ ընտրությունների անհրաժեշտություն կա, ակնկալում եմ, որ դա կլինի հունիսին: Այս մասին Գյումրիում «Առաջին լրատվական»-ի հարցման ընթացքում նշեց գյումրեցի մի քաղաքացի: «Անպայման մասնակցելու եմ: Ընտրություններով պետք է փոխվի երկրի այս իրավիճակը, էդ թալանչիների խմբի հարցը պետք է լուծվի: Իրենք ընդամենը մի 3 հազար հոգի մարդ են: Եթե այդպես է, Գյումրիում մարդիկ ամեն մեկը կարող է 3 հազար հոգի հավաքել ու ասել՝ ես եմ վարչապետը: Նույն բանը Վազգեն Մանուկյանն է ասում»,-ասաց նա՝ համոզմունք հայտնելով, որ իշխանությունը նորից կընտրվի, որովհետև իրենց մեջ ազնվություն կա:
«Իշխանության մեջ ազնիվ մարդիկ շատ են, իսկ նախկին թալանչիների խմբին ես լավ գիտեմ»:,-ասաց քաղաքացին:
Մեկ այլ գյումրեցի էլ նշեց, որ շատ շուտ է ընտրություններ անցկացնելու համար. «Հայաստանի ղեկավարը պետք է փոխվի, նրան արդեն չի կարելի վստահել: Շատ թույլ ղեկավար է, ղեկավարը մի քիչ ամուր պետք է լինի»: