Հայաստանում շարունակվում է քաղաքական անորոշությունը: Գլխավոր շտաբ- Կառավարություն – նախագահական քաղաքական թնջուկն անլուծելի է մնացել այն բանից հետո, երբ նախագահը դիմել է ՍԴ՝ վիճարկելով «Զինվորական ծառայության և զինծառայողի կարգավիճակի մասին» օրենքի հոդվածներից մեկի սահմանադրականությունը: Ինչպիսի՞ հանգուցալուծում կտրվի այս հարցին:
Թեմայի շուրջ «Առաջին լրատվական»-ի հետ զրույցում «Հայ կառուցողական կուսակցության» նախագահ Անդրիաս Ղուկասյանը կարծիք հայտնեց, որ կնշանակվի ԳՇ նոր պետ, նա կհայտարարի, որ բանակը վարչապետի հետ է, և իրավիճակը կհանգուցալուծվի՝ բողոքի ակցիաները կնվազեն, որից հետո նոր փուլ կսկսվի:
Անդրիաս Ղուկասյանը նաև նշեց, որ «Հայ կառուցողական կուսակցությունը» քաղաքացիներին կոչ է արել չեզոք մնալ՝ ո՛չ Նիկոլ Փաշինյանի հանրահավաքներին մասնակցել, ո՛չ էլ «Հայրենիքի փրկության շարժման»՝ իր բնորոշմամբ՝ հայրենիքի ոչնչացման շարժման հանրահավաքներին: Ղուկասյանի խոսքով՝ ռևանշիստական ուժերը հանրության աջակցությունը չստացան՝ այսինքն՝ «հանրությունը կուտը չկերավ, և միայն իշխանության գալու ուժային տարբերակներն են դիտարկում»:
Մանրամասները՝ տեսանյութում: