Tuesday, 19 03 2024
Երիտասարդ կինն ու տղամարդը կասկածվում են «Մեթամֆետամինի» ապօրինի շրջանառություն իրականացնելու մեջ․ նրանք կալանավորվել են
Ստոլտենբեգից հետո, Ստոլտենբերգից առաջ
Վարդենիս համայնքի սոցիալապես անապահով բնակիչներին ցուցաբերվել է առողջապահական աջակցություն
Մարզերում ևս շրջիկ առևտուրը կկանոնակարգվի
Ստոլտենբերգը ժամանեց Երևան
Բելգորոդի մարզում գնդակոծության զոհերի թիվն ավելացել է
11:30
Նավթի գներն աճել են. 18-03-24
Սիրիան հետ է մղել իսրայելական օդային հարձակումը Դամասկոսի վրա. SANA
«Мир» վճարային համակարգի քարտերը չեն աշխատի Հայաստանում. РБК
ՃՏՊ Սիսիան-Գորիս ավտոճանապարհին. կան զոհեր և տուժած
10:30
«Ադրբեջանի շահերից է բխում թույլ չտալ Պուտինի հաղթանակը»․ Ստոլտենբերգ
10:22
Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման
Բելգիայի Սենատում քննարկում կանցկացվի Հարավային Կովկասում իրավիճակի վերաբերյալ
ԵՄ արտգործնախարարները վերահաստատել են իրենց աջակցությունը Հայաստանին. Ստանո
ՊԵԿ-ը փետրվարին 150 հարկ վճարողի մոտ արձանագրել է ՀԴՄ կիրառման կանոնների խախտում
Ուղիղ. Ազգային ժողովի հերթական նիստը
Լուրերի առավոտյան թողարկում 10։00
Դիլիջանի ոլորանները փակ են բեռնատարների համար
4 պատճառ, թե ինչու չարձագանքել Պուտինի վերընտրությանը
Սպասվում են ինտենսիվ տեղումներ
Եթե նախկինում հնարավոր էր ընտրություն կատարել, այսօր չկա այլընտրանք, քան Եվրոպան
Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ. «Ժողովուրդ»
Հանրահավաքը կպառակտի՞, թե՞ կմիավորի. «Հրապարակ»
Ռուսները նախազգուշացնում են՝ գենոցիդ ենք անելու
Ինչ է քննարկվել ՔՊ խմբակցության փակ նիստում. «Հրապարակ»
«Ներքին գործերի նախարարությունը 89 հատ թանկարժեք ժամացույց է գնել. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Մոտ 5 միլիոն դրամ՝ օրացույցների և օրագրերի համար․ ԱԺ անհիմն գնումները 2024-ի առաջին եռամսյակում. «Ժողովուրդ»
ՀՀ իշխանություններն իրականում չեն պատրաստվում խզել ՌԴ-ի հետ որեւէ միջպետական պայմանագիր. «Հրապարակ»
Փաշինյանը պաշտոնա՞նկ կանի Շիրակի մարզպետին. «Ժողովուրդ»

Բաքուն և Անկարան փորձում են Հայաստանի ձեռքով տապալե՞լ ՌԴ ռեգիոնալ օրակարգը

Բաքուն, Անկարան և Թեհրանը մտադիր են զարգացնել ռեգիոնալ ենթակառուցվածքային ծրագրեր, և Հայաստանն էլ կարող է օգտվել դրանից, եթե իրեն լավ պահի: Այս մասին հայտարարել է Բաքվի ղեկավար Ալիևը:

44-օրյա պատերազմից հետո Ալիևի այսօրինակ հայտարարությունները ամենևին նոր չեն: Այդպիսիք անում են նաև Էրդողանը, Չավուշօղլուն, թուրք այլ պաշտոնյաներ: Մի կողմից՝ այս հայտարարությունները, այսպես ասած, թուրք-ադրբեջանական ոգով են, մյուս կողմից, սակայն, արժե թերևս դրանց նայել փոքր-ինչ այլ դիտանկյունից էլ՝ առնվազն իբրև համալիր քննության միջոց:

Նախ՝ շատ հետաքրքիր է, որ Ալիևն այս դեպքում խոսում է Անկարայի, Թեհրանի ու Բաքվի մասին՝ չտալով Մոսկվայի անունը: Ինչո՞ւ. դա, այսպես ասած, ձևաչափի շուրջ պահի տակ արտահայտված մի՞տք է, թե՞ «ռազմավարական բացթողում»՝ հեռուն գնացող ենթագիտակցական շերտերով:

Բանն այն է, որ Հայաստանի «լավ պահելու» մասին հայտարարությունները փոքր-ինչ տարօրինակ են հնչում մեկ այլ դիտանկյունից նայելով: Թե՛ Ալիևը, թե՛ Էրդողանն ու նրա մյուս ենթակաները խոսելով Հայաստանի մասին այդ տոնով և ոճով՝ թերևս լավ են պատկերացնում, որ դա Հայաստանում արժանանում է լիովին հակառակ արձագանքի՝ շատ բնականորեն իհարկե: Եթե մեզ վրա մատ են թափ տալիս, ապա միանգամայն հասկանալի է, որ ազգային արժանապատվությունը տրամաբանական է դիտարկում մատ թափ տվողի հետ չհարաբերվելը, մինչ հենց նա կսկսի իրեն պահել նորմալ: Եվ ուրեմն, Էրդողանն ու նրա Անկարայի և Բաքվի ենթակաները պարզապես «հոգեբանական հաճո՞ւյք» են ստանում Հայաստանի հետ այդ տոնով խոսելիս, թե՞ նրանք ակնկալում են հենց այդ հակառակ արձագանքի էֆեկտը, որպեսզի հայության մեջ խթանեն ազգային արժանապատվությունը և ըստ այդմ նաև՝ բացասական արձագանք և դիրքորոշում ռեգիոնալ հաղորդուղիները բացելու հեռանկարի հարցում: Այստեղ է, որ հատկանշական կարող է լինել Մոսկվայի մասին չհիշատակելու ալիևյան ենթագիտակցական «բացթողումը»:

Բանն այն է, որ չնայած նոյեմբերի 9-ից հետո Ռուսաստան, Հայաստան, Ադրբեջան եռակողմ քննարկումներին, որոնց առանցքում հաղորդուղիներն են, Բաքուն ու Անկարան ըստ երևույթին այդքան էլ ոգևորված չեն Ռուսաստանի այդ ձգտումով: Ռուսաստանը համակեցության այդ ռեժիմին ձգտում է իր վրա ռեգիոնալ ճնշումը թուլացնելու համար, քանի որ ուժային մեթոդներով Կովկասում դիրք պահելը նրա համար խնդրահարույց է՝ առնվազն քանի դեռ Մոսկվան պատրաստ չէ ուղիղ և կոշտ դիմակայության գնալ Անկարայի և Բաքվի հետ: Միևնույն ժամանակ, Բաքուն ու Անկարան ըստ երևույթին փորձում են տորպեդահարել այդ օրակարգը, այսինքն՝ Ռուսաստանի հովանու ներքո ռեգիոնալ համակեցության ռեժիմի առաջմղումը՝ հետագայում Մոսկվայի վրա ճնշումներ բանեցնելու հնարավորություններում չսահմանափակվելու համար: Սակայն փորձում են անել դա, այսինքն՝ տորպեդահարումն իրականացնել Հայաստանի ձեռքով՝ խթանելով Հայաստանում այն հակառակ արձագանքը, որը Երևանին կներկայացնի, այսպես ասած, հաղորդուղիների ապաշրջափակումն արգելակող:

Թվում է, որ Նախիջևանից Ադրբեջան կապը պետք է Թուրքիային ու Ադրբեջանին, և հենց իրենք են հաղորդուղիների ապաշրջափակման գլխավոր շահառուն: Նրանք իհարկե դեմ չեն այդ կապին և հետաքրքրված են դրանով, սակայն փորձենք գնահատել իրավիճակը ավելի լայն առումով: Ի վերջո, Ադրբեջանն ու Թուրքիան անշուշտ ունեն անմիջական կապի խնդիր: Մյուս կողմից, սակայն, Վրաստանը, օրինակ, շատ ավելի հուսալի կապ է Թուրքիայից Ադրբեջան, քան Հայաստանից Ռուսաստան: Իսկ քանի որ հարցը ներկայումս ռազմավարական հեռանկարներով դիրքավորումն է, ապա Անկարան և Բաքուն գուցե կարող են գնալ ուղիղ կապի հանգամանքը ներկայումս, այսպես ասած, զոհաբերելուն՝ ավելի լայն իմաստով Ռուսաստանի վրա ճնշում բանեցնելու հնարավորության համար: Հատկապես, որ Նախիջևանով կապը դեպի Ադրբեջան դեռևս պահանջելու է ենթակառուցվածքների նորոգում, ինչի համար կպահանջվեն մեկ-երկու տարի ժամանակ և շատ փող:

Բաժիններ
Ուղիղ
Լրահոս
Որոնում