Ռուսական լրատվամիջոցներին տված հարցազրույցի ժամանակ Ռոբերտ Քոչարյանը նշել է, որ պատմության մեջ կան դեպքեր, երբ ռազմական հեղաշրջումը հնարավորություն է տվել պահպանել պետականությունը, նաև՝ սրընթաց զարգացնել տնտեսությունը։ Որպես օրինակ նա բերեց Հարավային Կորեայի, Չիլիի և Եգիպտոսի հեղաշրջումները։
Կարծում եք՝ Ռոբերտ Քոչարյանի խոսքում ռազմական հեղաշրջման թաքուն կոչեր կամ ակնարկնե՞ր կային․ «Առաջին լրատվական»-ի հարցին քաղաքագետ Հայկ Սուքիասյանը պատասխանեց․ «Նախ՝ հետաքրքիր է, թե ինչու է մեր ինչ-որ մի ընդդիմադիր հատված անընդհատ Հյուսիսին հարցազրույց տալիս։ Հետաքրքիր կլիներ, որ մեր պետության նախկին նախագահն այդ հարցազրույցը տար նաև այլ պետությունների լրատվամիջոցներին։ Հակառակ պարագայում՝ հասկանալի էլ չի լինի։ Ինչ վերաբերում է կոնկրետ պետությունների փորձին, ապա այդ պետությունների փորձն առանձին պետք է քննել։ Օրինակ՝ Հարավային Կորեայի նախագահը մեր մինչհեղափոխական իշխանություններին շատ նման էր՝ կոռումպացված, ուսանողական ցույցեր ցրել, գնդակահարում։ Ես ուզում եմ հիշեցնել, որ այդ նախագահին իր անվտանգության պետն է խփել՝ հանուն պետության։ Մեզ մոտ ոնց որ նման բան չի եղել։ Եվ երկրորդ՝ Հարավային Կորեայի երկրորդ նախագահը հետո վերադարձավ։
Ինչ վերաբերում է Չիլիին, ապա այստեղ Պինոչետը ևս համաձայն չի եղել իշխանությունների հետ, բայց նա եղել է մարդ, որը նվիրված է եղել բացառապես Չիլիին։ Իսկ իրենց պարագայում պետք է նշեմ, որ նրանք մարդիկ են, որոնց հայ ժողովուրդը շատ է տեսել։ Հայաստանում իր ասած հեղափոխությունը եղել է, և դա եղել է հայ ժողովրդի կամքով»։
Մանրամասները՝ տեսանյութում։
