Եվրամիությունն ընդլայնել է պատժամիջոցները Վենեսուելայի իշխանությունների դեմ՝ սև ցուցակում ներառելով 19 ֆիզիկական անձանց: Այդ մասին ասված է ԵՄ-ի պաշտոնական հանդեսում, որտեղ փետրվարի 22-ին հրապարակված են համապատասխան նորմատիվային ակտերը՝ տեղեկացնում է TASS-ը։
«Հաշվի առնելով Վենեսուելայում պահպանվող լուրջ իրադրությունը՝ 19 մարդ պետք է ներառվի ֆիզիկական և իրավական անձանց ցուցակում, որոնց վերաբերում են սահմանափակիչ միջոցները»,- նշված է հաղորդագրության մեջ:
Ինչպես ասված է ԵՄ-ի հայտարարության մեջ՝ «այդ ցուցակում ներառված անձինք պատասխանավտություն են կրում, մասնավորապես, ընդդիմության ընտրական իրավունքների և ազգային ժողովի ժողովրդավարական գործառման վիժեցման, ինչպես նաև մարդու իրավունքների լուրջ խախտման և հիմնական ազատությունների սահմանափակման համար»:
Սև ցուցակի մեջ են մտել Վենեսուելայի Ազգային ընտրական խորհրդի (ԱԸԽ) նախագահ Ինդիրա Ալֆոնսոն, ԱԸԽ-ի փոխնախագահ Լեոնարդո Մորալեսը, Վենեսուելայի զինված ուժերի ռազմավարական օպերատիվ հրամանատարության ղեկավար, ծովակալ Ռեմիխիո Սեբալոս Իչասոն, Ազգային ասամբլեայի անդամներ, ինչպես նաև դատավորներ: Այսպիսով, Վենեսուելայի վերաբերյալ Եվրամիության պատժամիջոցների ցուցակում ներառված է ընդհանուր թվով 55 ֆիզիկական անձ։
