16 ուժերը խոստանում են նոր թափով սկսել պայքարն իշխանության դեմ՝ օգտագործել իրենց ձեռքի տակ եղած ամբողջ գործիքակազմը։ Վազգեն Մանուկյանը և նրա թիկունքին կանգնած ուժերը խոստանում են վաղը՝ փետրվարի 20-ին, հուժկու հանրահավաք իրականացնել։
Շատերը նշում են, որ բողոքի ակցիաները կարող են վերածվել պետական հեղաշրջման։ Իրո՞ք իրավիճակը սուր է․ «Առաջին լրատվական»-ի հարցին «Հանուն Հանրապետության» կուսակցության ղեկավար մարմնի անդամ Ռուբեն Մեհրաբյանը պատասխանեց․ «Հայաստանում որևէ ապստամբության նախադրյալներ՝ նույնիսկ անուղղակի, այսօր չկան։ Այդ իմաստով այս գործընթացը, այս խոսակցությունները՝ իբր նպատակների մասին, ուղղակի արհեստական բնույթ են կրում և ավելի շատ միտված են ցանկալին իրականության տակ մատուցելու։ Ինչ վերաբերվում է վաղվա այդ միջոցառմանը, ապա փետրվարի 20-ը հայոց նորագույն պատմության համար շատ կարևոր օր է, որովհետև 1988-ին հենց այդ օրն է Երևանում առաջին ցույցը եղել։ Փաստորեն դրանով սկիզբ առավ Ղարաբաղյան շարժումը, որը բերեց Հայաստանի անկախացմանն ու Արցախի ազատագրմանը։ Դա այն շարժումն էր, որը ցնցեց Խորհրդային միության հիմքերը»։
Մանրամասները՝ տեսանյութում։