Ավարտվել է ՀՀ-ԵՄ համապարփակ համաձայնագրի վավերացումը, մարտի 1-ից այն կմտնի ուժի մեջ: Ի՞նչ հնարավորություններ կբացի այն Հայաստանի համար: «Առաջին լրատվական»-ը թեմայի շուրջ տեսակապով զրուցել է քաղաքագետ Կայծ Մինասյանի հետ:
Քաղաքագետի դիտարկմամբ՝ ԵՄ համապարփակ համաձայնագրի վերջնական վավերացումը շատ կարևոր է, և այն Հայաստանի ինքնիշխանությունը փրկելու փորձ է:
«Սպասում ենք, որ ԱՄՆ-ը ավելի ուժեղ քայլ կանի՝ ի նպաստ Հայաստանի: ՌԴ-ԵՄ հարաբերությունները վերջին շրջանում վատթարանում են՝ Նավալնիի և այլ պատճառներով: Բրյուսելը և Վաշինգթոնը տեսնում են, որ Ռուսաստանն այնքան էլ զորավոր չէ և ստիպված է հաշվի նստել Թուրքիայի հետ: Չմոռանանք, որ այն, ինչ տեղի ունեցավ Կովկասում, տեղի ունեցավ առանց Արևմուտքի մասնակցության, և Մոսկվան ու Անկարան ապտակ տվեցին Արևմուտքին, Արևմուտքը պիտի պատասխան ապտակ տա: Օրակարգը դեռևս ռուսների և թուրքերի ձեռքին է: Հայաստանը պետք է հավասարակշռի հարաբերությունները Արևմուտքի և ՌԴ-ի հետ:
ԱՄՆ-ը և Ֆրանսիան էմոցիոնալ արձագանքեցին, որովհետև ապտակը ծանր էր, պետք է շտկվի այդ վիճակը: Հայաստանի պարտությունը նաև Արևմուտքի պարտությունն էր»,- նշեց Մինասյանը:
Մանրամասն՝ տեսանյութում:
