ԱՄՆ նախագահ Ջո Բայդենը, Ռուսաստանի առաջնորդ Վլադիմիր Պուտինի հետ զրույցի ընթացքում հայտսրսրել է, որ ԱՄՆ-ը պատրաստ է կոշտ պատասխանել Ռուսաստանի կործանարար գործողություններին: Այս մասին հայտնում է ՌԻԱ Նովոստին՝ հղում անելով Սպիտակ տան մամուլի քարտուղար Ջեն Փսակիին:
«Նրա (Բայդենի) նպատակն էր նաև հասկացնել, որ Միացյալ Նահանգները վճռականորեն կգործեն՝ պաշտպանելու իրենց ազգային շահերը՝ ի պատասխան Ռուսաստանի կործանարար գործողությունների», – հայտարարել է Փսակին:
Ավելի վաղ հայտնի էր դարձել, որ Ռուսաստանի նախագահ Վլադիմիր Պուտինը և ԱՄՆ նախագահ Ջո Բայդենը առաջին բանակցություններն են վարել ամերիկացի առաջնորդի երդմնակալությունից հետո: Նրանք քննարկել են կորոնավիրուսային համավարակի դեմ պայքարը, Բաց երկնքի պայմանագրից ԱՄՆ-ի դուրս գալը, իրանական միջուկային ծրագրի վերաբերյալ Գործողությունների համատեղ համապարփակ ծրագրի պահպանումը, ուկրաինական հարցի կարգավորումը, ինչպես նաև ՄԱԿ-ի Անվտանգության խորհրդի մշտական անդամների գագաթնաժողովի անցկացումը:
