Թուրքիայի նախագահ Ռեջեփ Թայիփ Էրդողանը հայտարարել է, որ անցած հինգ տարում ռազմական ծրագրերի ֆինանսավորումն աճել է 11 անգամ: Այս մասին հաղորդել է երկրի ռազմական արդյունաբերության վարչությունը:
«Անցած 5 տարում մենք հավանություն ենք տվել մոտ 350 նոր ծրագրերի, բյուջեն կազմել է 5.5 միլիարդ դոլար, բայց մենք ֆինանսավորումը 11 անգամ ավելացրել ենք և հասցրել 60 միլիարդ դոլարի»,- ասել է Էրդողանը:
Ավելի վաղ տեղի է ունեցել Milli Gemi («Ազգային նավ») ծրագրի շրջանակում կառուցված «Ստամբուլ» ռազմանավը նավատորմին փոխանցելու հանդիսավոր արարողությունը:
Ծրագիրը մեկնարկել է 1996թ.-ին, սակայն անբավարար ֆինանսավորման պատճառով առաջին՝ «Հեյբելիադի» նավի կառուցումը հետաձգվել է: Այն թուրքական ռազմական նավատորմին է հանձնվել 2008թ.-ին: