Friday, 05 03 2021
Ջերմությամբ եմ հիշում հանդիպումներն ու զրույցները Վազգենի հետ. Արմեն Սարգսյան
Վարդազարյանը ցուցադրեց կամային հատկանիշներ, զսպվածություն. Արթուր Վանեցյան
Մետրոպոլիտենի դեպի Աջափնյակ տանող նոր կայարանի կառուցման աշխատանքներն ընթացքի մեջ են
Քոչարյանը պետությունը խարխլող է․ նա փորձում է դրսում տանիք գտնել
16:41
8 օր, 8% cashback «Մերի» խանութ-սրահներում IDBank-ի Visa քարտերով
Հետամնացությունը իմը չէ․ կտրականապես դեմ եմ ռազմական հեղաշրջմանը. Արամ Զ․ Սարգսյան
«Արարատ-Արմենիան» կգլխավորի Արմեն Ադամյանը
Հետաքրքիր զուգադիպությամբ այսօր ծնվել են Արցախի երեք հերոսները. ԱՀ նախագահի գրառումը
16:20
ԵՏՀ-ն ընդունել է Թուրքիան ԵԱՏՄ սակագնային արտոնություններից օգտվող երկրների ցանկից հանելու որոշում
Լարսը բաց է բոլոր տեսակի տրանսպորտային միջոցների համար
Զանգեզուրն անվանելով «ադրբեջանական պատմական տարածք», Ալիևը դիտավորյալ տապալում է եռակողմ հայտարարությունների իրագործումը. ԱԳՆ խոսնակ
15:50
Մենք վրեժխնդիր լինելու տեղն էլ գիտենք, բայց եկել ենք արժեհամակարգ փոխելու ու գնալու ենք մինչև վերջ․ Լուսինե Բադալյան
Դավիդ Կամպանյան ալևս «Արարատ-Արմենիայի» գլխավոր մարզիչը չէ
Հայկական բանակի բոլոր զինվորականները բանակի մեջ են և նրա կողքին. Անդրանիկ Մակարյան
Արցախի ժողովրդի ինքնորոշման իրավունքի իրացումը հակամարտության կարգավորման առանցքային բաղադրիչ է. ՀՀ ԱԳՆ խոսնակ
Սյունիքի մարզում պետք է ստեղծվի ապառազմականացված անվտանգության գոտի. Թաթոյան
Վարչապետը նոր նշանակումներ է արել
Ռոբերտ Քոչարյանի հանդեպ Սերժ Սարգսյանի պատասխան «կասկածը»
Ռուսաստանում մեկ օրում կորոնավիրուսով վարակման 11 024 դեպք են հայտնաբերել
Հոկտեմբերի 27-ի գլխավոր դերակատարները այսօր հեղաշրջման հայտ են ներկայացրել․ Արման Բաբաջանյան
Ճապոնիայում ՀՀ նորանշանակ դեսպանը հանդիպում է ունեցել Ճապոնիայի պաշտոնատար անձանց հետ
«Յուվենտուսը» սպասում է Մխիթարյանին. Հայ ֆուտբոլիստը կփոխարինի Դիբալայի՞ն
Արմեն Սարգսյանը շնորհավորել է Սերբիայի նախագահ Ալեքսանդր Վուչիչին՝ ծննդյան օրվա առթիվ
Վազգենն ամբողջությամբ չգնահատվեց․ Մեր պարտությունը սկսվեց Հոկտեմբերի 27-ից․ Արամ Զ․ Սարգսյան
14:40
Պենտագոնի ղեկավարը հաստատել է Վրաստանի ռազմական կարողությունների ամրապնդման ԱՄՆ-ի տրամադրվածությունը
Նոյեմբերի 9-ի եռակողմ հայտարարության 9-րդ կետում որևէ միջանցքի ստեղծման մասին խոսք չկա․ Աննա Նաղդալյան
Պաշտպանության նախարարը՝ Եռաբլուրում
Թուրքիայում 40 մարդու կալանագիր են տվել խռովարարների հետ կապերի կասկածանքով
Այսինքն՝ այդ կապերը հիմա ուզում է ծախել մեր ժողովրդին, որպեսզի իշխանություն վերցնեն. Անդրանիկ Քոչարյանը՝ Վանեցյանի հայտարարության մասին
Սրանց մոսկովյան տերերը ամենաբարձր մակարդակով պետք է արգելեն այդ անձանց խոսել Ռուսաստանի մասին․ Բաբաջանյանը՝ Քոչարյանի մասին

Ռազմագերիների հարցը առաջնային չէ հենց ՀՀ իշխանությունների տեսանկյունից. Լապշին

«Առաջին լրատվական»-ի զրուցակիցն է բլոգեր, Ռուսաստանի և Իսրայելի քաղաքացի Ալեքսանդր Լապշինը

Պարոն Լապշին, օրերս դուք խոսել եք բանակում զինվորների ապահովագրության մասին: Այդ կապակցությամբ ինչպիսի՞ խնդիրներ եք նկատել հայկական բանակում:

Ողջ դեկտեմբերը և մինչ օրս մենք զբաղվում ենք պատերազմից տուժած փախստական ընտանիքներին օգնություն տրամադրելով, մեր ուժերի ներածին չափով օգնություն ենք տրամադրում վիրավոր զինվորներին և այցելու զոհված հերոսների ընտանիքներին: Ես հավաքել եմ բավարար վիճակագրություն, որպեսզի եզրակացություն անեմ այդ կատեգորիայի մարդկանց պետական աջակցության անարդյունավետության մասին: Մեր այցելած մոտ 100 ընտանիքներից կեսից ավելին մինչ օրս պետությունից չեն ստացել նյութական օգնություն կամ ստացել են մասնակի: Առանձին դեպքերում դա բացատրվում է հենց տուժածների անգործությամբ, որոնք սահմանված ժամկետներում չեն դիմել համապատասխան մարմիններին: Այդուհանդերձ, մեծ մասն արել է այնպես, ինչպես պահանջվում է, սակայն օգնությունն ուշանում է, թեև պատերազմի ավարտից հետո անցել է մոտ 3 ամիս:

Իմ կարծիքով, Հայաստանը չպետք է հերթական անգամ «հեծանիվ հորինի», որը վաղուց հորինված է: Պետք է վերցնել զինծառայողների ապահովագրության արդեն եղած միջազգային փորձը՝ ներառելով նաև առևտրային ապահովագրական ընկերություններին՝ ՊՆ-ի հետ պայմանագրի հիման վրա: Այդ վճարումները կկազմեին զոհված և հաշմանդամ զինծառայողների համար վճարումների հիմնական մասը: Դրան կգումարվի պետական սոցիալական ապահովումը՝ զինվորների կենսաթոշակների և հաշմանդամության նպաստների, ինչպես նաև կերակրողին կորցրած ընտանիքներին աջակցելու տեսքով:

Ադրբեջանը շարունակում է ագրեսիվ քաղաքականություն վարել ռազմագերիների հարցում, ինչը լուրջ խնդիրներ է առաջացնում: Ձեր կարծիքով ինչո՞ւ է Ադրբեջանը ձգձգում ռազմագերիների վերադարձը:

Ադրբեջանի դիրքորոշումն ակնհայտ է. նրանք պահում են գերիներին որպես պատանդ և մանիպուլացնում են այդ հարցը Նիկոլ Փաշինյանի վրա ճնշում գործադրելու համար: Փաստացի Ալիևը կարող է քայլ անել և վերադարձնել գերիների մի մասին, ինչը կամրապնդի Հայաստանի ղեկավարության հեղինակությունը: Բայց նաև կարող է ընդառաջ չգնալ՝ դրանով առաջ բերելով պայթյուն և Հայաստանի ժողովրդի զայրույթն ընդդեմ գործող իշխանությունների: Ալիևը գրագետ ձևով մանիպուլացիայի առարկա է դարձնում գերի ընկած հայ զինվորների ճակատագիրը, որպեսզի Հայաստանից ստանա այս կան այն զիջումը, օրինակ, նոր սահմանների ձևավորման հետ կապված:

Մյուս կողմից, իմ զգացողությամբ, ռազմագերիների հարցը առաջնային չէ հենց ՀՀ իշխանությունների տեսանկյունից: Հնարավոր է, որ իշխանությունները համարում են, որ նախ պետք է հասնել Ադրբեջանի հետ լիարժեք հաշտության պայմանագրի, որից հետո այդ պայմանագրի հիման վրա հետ բերել ռազմագերիներին: Լրացուցիչ ճնշումը Բաքվի վրա նախքան սահմանների, Արցախի կարգավիճակի և տրանսպորտային միջանցքների հարցերով լիարժեք հաշտության պայմանագիրը, հնարավոր է, ռիսկային է համարվում, որը կարող է առաջ բերել Ալիևի ռեժիմի նյարդայնությունը: Միաժամանակ, ես ինձ իրավունք չեմ  վերապահի գնահատել ՀՀ ղեկավարության գործողությունների ճիշտ կամ սխալ լինելը ռազմագերիների հարցում, քանի որ մենք ձեզ հետ չենք տիրապետում ամբողջական տեղեկատվությանը:

Ձեր կարծիքով այսօր ի՞նչ փոփոխություններ կարիք ունի հայկական բանակը:

Դժվար թե ես ինձ համարեմ ավելի տեղեկացված վերլուծաբան, քան Հայաստանի բանակի ղեկավարությունը: Ուստի, հնարավոր է ես ասեմ բաներ, որոնց ուղղությամբ արդեն իսկ բանակն արդեն սկսել է աշխատել, և դրանք սկզբունքորեն նոր բան չեն: Ի սկզբանե անվտանգության հայեցակարգը հիմնված էր «զսպում-վաղ նախազգուշացում- պաշտպանություն- որոշումների կայացում» սկզբունքի վրա, որը ենթադրում էր կայունություն սահմաններին և վստահություն, որ անհրաժեշտության դեպքում Հայաստանը կարող է հույս դնել երրորդ երկրների, օրինակ Ռուսաստանի, անվերապահ աջակցության վրա: Այդ վստահությունը բերեց ողբալի հետևանքների, բանակը պատրաստ չէր լայնամասշտաբ պատերազմի և պասիվ պաշտպանություն էր կազմակերպել: Ղարաբաղի համար պայքարը 2020 թվականին ցույց տվեց, որ անհրաժեշտ էր ոչ թե սպասել, թե երբ կհարձակվի թշնամին, այլ պատրաստ լինել առաջինը հարվածել աճող սպառնալիքի դեպքում: Բացի այդ, վատ է աշխատել հետախուզությունը և չի եղել անհրաժեշտ համակարգվածություն զորքերի միջև:

Հայաստանն, իմ կարծիքով, պետք է հաջորդ պատերազմի դեպքում որդեգրի հարձակողական բնույթի սկզբունքներ, եթե այդպիսին լինի: Դա կոչվում է «ակտիվ պաշտպանություն»: Պետք է սովորել հույս դնել միայն սեփական ուժերի վրա և հակառակորդին թելադրել սեփական կամքը՝ ներառյալ պատերազմը հակառակորդի տարածք տեղափոխելու անհրաժեշտությունը: Այդ ամենն, ի դեպ, ընկած է Իսրայելի ռազմական հայեցակարգի հիմքում:

Բնականաբար, հարկավոր կլինի շեշտը դնել բանակում նոր տեխնոլոգիաների, ավիացիայի, հրթիռային զորքերի և դիվերսիոն խմբերի վրա, որոնք ունակ են գործել թշնամու թիկունքում:

Լուսանկարը՝ Armeniasputnik-ի

Բաժիններ
Ուղիղ
Լրահոս
Որոնում
new adriver("adriver_banner_525093214", {sid:216038, bt:52, bn:28});