Microsoft, Apple և Oracle ընկերությունները կազմակերպել են արշավ ընդդեմ Android-ի, որի նպատակն է թանկացնել այդ օպերացիոն համակարգով աշխատող սարքերի գները: Այս մասին այսօր հայտարարել է Google ընկերության իրավաբան Դևիդ Դրեմոնդը:
Իրավաբանը բացատրել է, որ վերոնշյալ երեք ընկերությունները փորձում են Android-ին մեղադրել պատենտներն օգտագործելու և այլ ընկերությունների հեղինակային իրավունքները խախտելու մեջ՝ ստիպելով Android-ն արտադրող Google-ին մեծ գումարներ վճարել այն ընկերություններին, ում պատենտային իրավունքները խախտվել է Android-ն արտադրելիս:
Որպես օրինակ է բերվում Microsoft-ի հայցն ընդդեմ և Barnes & Noble-ի, Apple-ի հայցն ընդդեմ HTC-ի և Motorola-ի: Բոլոր այդ հայցերում վիճարկվող սարքերն աշխատում են Android օպերացիոն համակարգով: Բացի այդ, Apple-ն ու Microsoft-ը փորձում են գնել պատենտներ, որոնք անհրաժեշտ են Android-ի հետագա զարգացման համար: