Վաշինգտոնի քաղաքապետ Մյուրիել Բաուզերը որոշում է կայացրել արտակարգ դրությունը 15 օրով երկարաձգելու մասին: Այս մասին ասվում է քաղաքապետարանի կայքում հրապարակված հայտարարության մեջ:
Ավելի վաղ նա անկարգությունների պատճառով ԱՄՆ մայրաքաղաքում պարետային ժամ էր հայտարարել:
Համաձայն Բաուզերի կարգադրության՝ ԱՄՆ գործող նախագահ Դոնալդ Թրամփի կողմնակիցների կողմից կազմակերպված անկարգությունների և բողոքի ցույցերի պատճառով չորեքշաբթի, հունվարի 6-ին հայտարարված արտակարգ ռեժիմը երկարաձգվում է 15 օրով կամ «մինչև քաղաքապետի հետագա ցուցումները»:
ԱՄՆ նորընտիր նախագահ՝ դեմոկրատ Ջո Բայդենի երդմնակալության արարողությունը նախատեսված է հունվարի 20-ին:
