Հունահոռմեական ոճի ըմբիշ Մալխաս Ամոյանը դուրս եկավ աշխարհի գավաթի անհատական խաղարկության եզրափակիչ: 72կգ քաշային Մալխաս Ամոյանը ոչ մի շանս չտվեց թուրք ըմբիշ Չենքիզ Արսլանին` հաղթելով 7:0 հաշվով: Եզրափակչում Ամոյանը կմրցի Հունգարիայից Բալինտ Կորպասիի հետ:
Մեր հավաքականի առաջատարներից Կարապետ Չալյանին հաղթած Ռոման Վլասվը մտավ եզրափակիչ, ուստի Չալյանը հնարավորություն ստացավ սփոփիչ գոտեմարտ անցկացնելու և շարունակելու պայքարը բրոնզե մեդալի համար:
55 կգ քաշային Ռուդիկ Մկրտչյանը և 67 քաշային Սլավիկ Գալստյանը ևս կշարունակի պայքարը՝ անցկացնելով սփոփիչ գոտեմարտ: Եվ ահա, առաջին գոտեմարտում Գալստյանը 9:0 հաշվով պարտության մատնեց պերուացի Մարկոս Գարսիային, իսկ Չալյանը ՝ գերմանացի ըմբիշ Պասկալ Էսսելին: Գալստյանը և Չալյանը շարունակում են պայքարը բրոնզե մեդալի համար։
Ռուդիկ Մկրտչյանը սփոփիչ առաջին մարտում ցավոք 0։9 հաշվով զիջեց ադրբեջանցի մրցակցին։ 63 կգ քաշայինների պայքարում Գևորգ Ղարիբյանը հաղթեց թուրք Աբդուրահման Ալթանին և դուրս եկավ 1/4 եզրափակիչ:Գոտեմարտն ավարտվեց մեր ըմբիշի հաղթանակաով ՝ 3:1 հաշվով:
Այս մրցաշարում անսպասելի պարտություն կրեց մեր հավաքականի առաջատար, աշխարհի և Օլմպիական խաղերի չեմպիոն Արթուր Ալեքսանյանը։ Հենց մեկնարկային գոտեմարտում նա զիջեց Ռուսաստանը ներկայացնող Մուսա Եվլոևին:
130 քաշայիննեի պայքարում Դավիթ Օվասապյանը հաղթեց մեկնարկային գոտեմարտում, իսկ ահա Արմեն Մելիքյանը պարտություն կրեց:
