Իրազեկված աղբյուրը հերքել է Իրաքի արևմուտքում անօդաչու թռչող սարքի հարվածի մասին լուրերը, որի հետևանքով, իբր, սպանվել է Իրանի իսլամական հեղափոխության պահապանների կորպուսի (ԻՀՊԿ) հրամանատարներից մեկը՝ Մուսլիմ Շահդանը: Այդ մասին տեղեկացնում է Tasnim գործակալությունը՝ հղում անելով տեղեկացված աղբյուրներին:
Ավելի վաղ հաղորդվել էր, որ սիրիա-իրաքյան սահմանի «Ալ-Քաիմ» սահմանակետի մոտակայքում անօդաչու թռչող սարքի հարվածի հետևանքով մահացել է Իրանի ԻՀՊԿ բարձրաստիճան սպաներից մեկը՝ Մուսլիմ Շահդանը: Շահդանի հետ միասին, իբր, մահացել են նրա երեք թիկնապահները:
Աղբյուրի համաձայն, հրամանատարի սպանության մասին հաղորդել են սիոնիստական ռեժիմի լրատվամիջոցները: Նշվում է, որ այս հայտարարությունն արվել է իրանցի միջուկային ֆիզիկոս Մոհսեն Ֆահրիզադեի սպանության ֆոնին՝ հասարակական կարծիքի վրա ազդելու համար: