ԻՊ-ի զինյալները սպառնում են գրավել Կաբու Դելգադու նահանգի մեկ այլ քաղաք: Մոզամբիկյան լրատվամիջոցները նշում են, որ իսլամիստները նախապես զգուշացրել են Մուեդա բնակավայրի բնակիչներին, որ նրանք պատրաստվում են մեկ շաբաթից հարձակվել քաղաքի վրա: Քաղաքացիները, վախենալով Մոզամբիկի անվտանգության ուժերի և զինյալների միջև մարտերի զոհ դառնալուց, սկսել են լքել իրենց տները:
Տրանսպորտից օգտվելու հնարավորություն չունենալով՝ բնակիչների մեծ մասը որոշել է երկու հարյուր կիլոմետր ոտքով անցնել դեպի մեկ այլ բնակավայր, որտեղ, ինչպես իրենց թվում է, օգնություն կստանան:
Եթե ԻՊ զինյալները կյանքի կոչեն իրենց ծրագրերը, դա էապես կբարդացնի տարածաշրջանում փախստականների հետ կապված իրավիճակը, նշում է Directorate 4 Telegram ալիքը: