Քաղտեխնոլոգ Արմեն Բադալյանը «Առաջին լրատվականի» հետ զրույցում շնորհավորելով Հայ ազգային Կոնգրեսի գործունեության երրորդ տարին՝ խոսեց այս տարիներին ՀԱԿ-ի ձեռքբերումների և թերությունների մասին.
«Այս երեք տարիների ընթացքում Հայ ազգային կոնգրեսը բավական կայունացավ՝ որպես քաղաքական կազմակերպություն, կառույց և, իբրև այդպիսին, ունի իր և՛ ուժեղ, և՛ թույլ կողմերը։ Այս երեք տարիների ընթացքում նա կարողացավ հասնել որոշ նվաճումների՝ քաղբանտարկյալների ազատարձակման, Ազատության հրապարակի հարցում, մի քանի այլ հարցերում ևս հաջողություններ ունեցավ։ Բայց ունի նաև մի քանի թերություններ, որոնց ուղղությամբ պիտի աշխատի»։
Ըստ Ա.Բադալյանի՝ ՀԱԿ-ը պիտի աշխատի, մասնավորապես, ՀԱԿ-ի և նրա մեջ մտնող կառույցների՝ միջազգային կառույցների հետ կապը ապահովելու, ամբողջ հանրապետությունով մեկ միջոցառումներն անցկացնելու ուղղությամբ։