«Ուղիղ 100 տարի առաջ հարձակումը կոչվում էր թուրք-ռուսական. նրանք դաշնակիցներ էին: Այն ժամանակ աշխատեց 2+2 տարբերակը՝ Բոլշևիկյան Ռուսաստանն ու Թուրքիան և Հայաստանն ու Ադրբեջանը կնքեցին տխրահռչակ Մոսկվայի կոնֆերանսից ծնված պայմանագիրը, և Արցախը հանձնվեց նորաստեղծ պետությանը՝ Ադրբեջանին: Եվ իհարկե, դա խորհրդանշական է. նրանք ուզում էին կրկնել 100 տարի առաջվա իրենց հաղթանակը: Եվ կարծում էին, թե մենք էլ կկրկնենք մեր պարտությունը՝ սխալվեցին»,- «Առաջին լրատվական»-ի հետ զրույցում ասաց ԳԽ պատգամավոր Ազատ Արշակյանը:
Նա ընդգծեց՝ մենք 100 տարվա ծրագրի հետ համաձայն չենք. «Համաձայն չենք, որ տեղում, ռեգիոնալ, տարածաշրջանային պետություններով որոշեն հայ ժողովրդի բախտը և Արցախի կարգավիճակը: Եվ ուրեմն մերժել ենք Իրանի այդ նոր ծրագիրը, որով նախատեսված էր դուրս թողնել ԵԱՀԿ գլխավոր պետություններին՝ Ֆրանսիային և Միացյալ Նահանգներին»:
«Իհարկե, նրանք ծրագրել էին հրավառություններ, շքերթ, տոնակատարություն, նամազ Շուշիում, մանավանդ լավ վիճակում պահում ենք իրենց մզկիթը՝ մենք հարգում ենք իրենց կրոնը: Բայց մենք կռվում ենք և դա թույլ չենք տա: Այլևս երբեք չի կրկնվի Լենին-Աթաթուրք, այլևս երբեք Ղարսը չենք հանձնի, Շուշին չենք հանձնի, Ստեփանակերտը չենք հանձնի, Երևանը չենք հանձնի: Սա է մեր ծրագիրը, և փառք Աստծու՝ մեր բանակը կայուն է»:
Մանրամասն՝ տեսանյութում:
