Թուրքիայի ԱԳՆ ղեկավար Մևլութ Չավուշօղլուն գտնում է, որ ԱՄՆ Ներկայացուցիչների պալատի խոսնակ Նենսի Փելոսին աղաղակող տգիտություն է դրսևորում: Այս մասին նա գրել է իր Twitter-ում:
Նախարարը նման կերպ է մեկնաբանել է Փելոսիի հայտարարությունը, որում նա հիշատակում է Թուրքիայի նախագահ Ռեջեփ Թայիփ Էրդողանին:
Ավելի վաղ Փելոսին մամուլի ասուլիսի ժամանակ հայտարարել էր, որ ԱՄՆ նախագահ Դոնալդ Թրամփը հիացած է Ռուսաստանի նախագահ Վլադիմիր Պուտինով, ԿԺԴՀ ղեկավար Կիմ Չեն Ընով և Էրդողանով: Նրա խոսքով, Միացյալ Նահանգների առաջնորդն ըստ այդմ ոչ թե նշված երկրներում է, այլ ԱՄՆ-ում, «որտեղ ժողովրդավարություն է տիրում»:
«Այն փաստը, որ Փելոսին, հաշվի առնելով նրա բացահայտ տգիտությունը, դարձել է Ներկայացուցիչների պալատի խոսնակ, մտահոգություններ է առաջացնում ամերիկյան ժողովրդավարության համար»,- գրել է Չավուշօղլուն:
Նա նաև վստահություն է հայտնել, որ Փելոսին «վաղ թե ուշ կսովորի հարգել թուրք ժողովրդի կամքը»: