ԱՄՆ-ի նախագահ Դոնալդ Թրամփը հաջողություն է մաղթել արքայազն Հարրիին, որն իր կնոջ՝ ամերիկացի դերասանուհի Մեգան Մարքլի հետ քարոզչական տեսահոլովակ է տեսագրել ընտրություններից առաջ։
Սեպտեմբերի 23-ին Սպիտակ տանը կայացած մամուլի ասուլիսում լրագրողը Թրամփին խնդրել է մեկնաբանել տեսանյութը՝ նշելով, որ զույգը պաշտպանում Է դեմոկրատների թեկնածու Ջոզեֆ Բայդենին, թեև արքայազնի և Մարքլի տեսահոլովակում այդ մասին չի ասվում:
«Ես նրա (Մարքլի) մոլի երկրպագուն չեմ, և նա, հնարավոր է, դա գիտի: Ես հաջողություն եմ մաղթում Հարրիին, դա նրան պետք կգա»,- ասել է Միացյալ Նահանգների վարչակազմի ղեկավարը:
Համացանցում զետեղված տեսագրության մեջ Մարքլն առաջիկա ընտրությունները համարել է «կյանքում ամենակարևորը»: Արքայազն Հարրիի խոսքով՝ «նոյեմբերը մոտենալուն համեմատ կենսականորեն կարևոր է խոսքից դուրս վանել ատելությունը, ապատեղեկատվությունն ու բացասագարությունը ցանցում»։
