Ճապոնիայի պաշտպանության նախարարությունն ու ինքնապաշտպանության ուժերը հանձնարարականներ են ստացել չբացահայտված թռչող օբյեկտներ (ՉԹՕ) նկատելու դեպքում: Այս մասին հայտնում է ՏԱՍՍ-ը ՝ տեղական լրատվամիջոցներին հղումով:
Հրահանգների համաձայն, օդաչուները պետք է անհապաղ տեղեկացնեն հրամանատարությանը ՉԹՕ կամ անօդաչու թռչող սարք տեսնելիս, վերլուծեն ստացված տվյալները և գնահատեն օբյեկտի վտանգավորության աստիճանը Ճապոնիայի համար:
Բացի այդ, օդաչուներից պահանջվում է հնարավորինս շատ տեղեկատվություն հավաքել, այդ թվում ՝ ՉԹՕ-ն լուսանկարել կամ տեսանկարահանել:
Նշվում է, որ Ճապոնիայի պաշտպանության նախարար Տարո Կոնոն հաստատել է այս հրահանգները, որից հետո դրանք ուղարկվել են գերատեսչություններ: