Խաբարովսկի երկրամասի նախկին նահանգապետ Սերգեյ Ֆուրգալը ղեկավարել է մի ստորաբաժանում, որի անդամները զբաղվում էին իր համար անցանկալի անձանց սպանությամբ:
Այդ մասին Մոսկվայի Բասմաննի դատարանում հայտարարել է դատախազը: Ըստ նրա՝ այդ պատճառով էլ որոշ մասնակիցներ «վախ և ակնածանք» են զգում հիմնական մեղադրյալի և նրա հանցակիցների հանդեպ: Սպառնալիքը դեռ չի վերացել: Մարդկանց վախը Ֆուրգալից իրական է՝ նշել է դատախազը՝ գրում է mk.ru-ն:
Հիշեցնենք, որ Ֆուրգալը բերման էր ենթարկվել հուլիսի 9-ին: Նա մեղադրվում է 2000-ականներին երկու ձեռնարկատերերի սպանությունների կազմակերպման և մեկ այլ անձի սպանության փորձի մեջ: Ֆուրգալին ձերբակալելուց հետո բողոքի ալիք բարձրացավ Հեռավոր Արևելքում, և Ռուսաստանի Լիբերալ-դեմոկրատական կուսակցության ղեկավար Վլադիմիր Ժիրինովսկին կոշտ հայտարարություններ արեց:
