Ռուսաստանը չպետք է խառնվի Բելառուսում տեղի ունեցող իրադարձություններին, Bild-ին տված հարցազրույցում հայտարարել է դաշինքի գլխավոր քարտուղար Յենս Սթոլթենբերգը:
Նա շեշտել է, որ ՆԱՏՕ-ն Բելառուսն ինքնիշխան և անկախ պետություն է համարում, իսկ Լուկաշենկոն պետք է որոշի երկրի ապագան: Բացի այդ, տարածաշրջանում ՆԱՏՕ-ի զորքերի կենտրոնացում չկա, ուստի Մինսկը չի կարող դաշինքը որպես պատրվակ օգտագործել խաղաղ ցույցերը ճնշելու համար:
Ավելի վաղ նախագահ Վլադիմիր Պուտինը հայտարարել էր Ալեքսանդր Լուկաշենկոյին սատարելու պատրաստակամության մասին, եթե Բելառուսում «ծայրահեղական տարրերը» անցնեն թույլատրելիի սահմանը և անկարգություններ սկսեն: Դրա համար արդեն ՌԴ իրավապահ մարմինների աշխատակիցներից ռեզերվ է ձևավորվել, ընդգծել է ՌԴ նախագահը: