Օմսկի շրջանի Ռուսաստանի ՆԳՆ քիմիական լաբորատորիայի մասնագետները բլոգեր Ալեքսեյ Նավալնիի մարմնում հայտնաբերել են «2-էթիլհեքսիլ դիֆենիլ ֆոսֆատ» նյութ, որը դասվում է արդյունաբերական քիմիական նյութերի շարքին՝ գրում է gazeta.ru-ն:
Նշվում է, որ հետազոտության ընթացքում անհնար է որոշել նյութի կոնցենտրացիան:
«Քանի որ այս նյութը, որպես պլաստիկացնող միջոց, ավելացվում է պոլիմերներում` էլաստիկությունը բարձրացնելու համար, հնարավոր է, որ այն հայտնվել է Նավալնիի օրգանիզմում նմանատիպ օբյեկտների հետ շփման միջոցով, օրինակ `պլաստիկե բաժակի միջոցով», – պարզաբանել են տարածաշրջանային ՆԳՆ-ում:
Նրանք հավելել են, որ քիմիական բաղադրիչի հայտնաբերման մասին տեղեկատվությունը անմիջապես տրամադրվել է բժիշկներին:
