Թուրքիայի կառավարությունը պետք է դադարեցնի Հունաստանի հետ վիճելի Միջերկրական ծովի ջրերում նավթի և գազի հետախուզման ուղղությամբ բոլոր աշխատանքները: Այս մասին ասված է ԵՄ դիվանագիտության ղեկավար Ժոզեփ Բորելի հայտարարության մեջ, որը հրապարակվել է կիրակի, օգոստոսի 16-ին:
«Ես կոչ եմ անում Թուրքիայի իշխանություններին անհապաղ դադարեցնել այս գործունեությունը, ինչպես նաև ամբողջովին և բարեխղճորեն ներգրավվել Եվրամիության հետ լիարժեք երկխոսության մեջ», – ասել է դիվանագետը:
Նրա խոսքով, Կիպրոսի և Եգիպտոսի ծովային գոտում թուրքական Yavuz նավի կողմից հորատման աշխատանքների վերսկսումը մեծացնում է լարվածությունը Միջերկրական ծովի արևելյան մասում:
Հիշեցնենք, որ Թուրքիան որոշել է Միջերկրական ծովում սեյսմիկ հետազոտություններ անցկացնել ՝ չնայած Հունաստանի բողոքներին:
Ինչպես հաղորդվում է, այս հարցում Աթենքին աջակցել է Ֆրանսիան, ինչի կապակցությամբ նա Միջերկրական ծովի արևելյան մասում երկու Rafale կործանիչ և ֆրեգատ է տեղակայել:
