ԱԺ պատգամավոր Արման Բաբաջանյանը ֆեյսբուքյան իր էջում գրել է․
Մենք բոլորս աշխարհին պետք է ճանաչել տանք Հայաստանը, և դրանով մենք ճանաչել տված կլինենք նաև ցեղասպանությունը, Արցախի ինքնորոշման իրավունքը, այսինքն այս հարցերը ընդամենը տեխնիկայի հարց կդառնան:
Քանի դեռ աշխարհը չի ճանաչել Հայաստանը, հայոց ցեղասպանության և Արցախի ինքնորոշման իրավունքի ճանաչումը չի կարող տեղի ունենալ, կամ եթե անգամ տեղի էլ ունենա, դա արդեն կլինի ուրիշների պետության ռազմավարական շահը, բայց ոչ մերը:
Մենք պիտի խուսափենք մեր պետական հարցերը միջազգային շահարկման առարկա դարձնելուց: Մենք ինքներս պետք է ստանձնենք այդ հարցերի ղեկը և վարենք այն: Իսկ դա մենք կարող ենք միայն այն դեպքում, երբ ունենանք անհրաժեշտ պետական կշիռ, երբ համաշխարհային նժարի վրա մեր պետությունը կունենան իր քաշը:
Այդ քաշն ունենալու համար Հայաստանը պետք է ունենա ներքին ազատության, արդարության, իրավունքի և օրինականության հիմնարար բազա, միջավայր, որտեղ կծնվեն ոչ միայն ազգային-ազատագրական, այլ առաջին հերթին համամարդկային նշանակության արժեքներ ու գաղափարներ:
Այդ պետությունն ու նրա խնդիրները աշխարհի համար կդառնան կարևոր, այդ պետությանն ու նրա խնդիրներին օգնելը գերտերությունների համար կդառնա շահեկան: Այդ պետության ջրաղացին ջուր լցնելը կբխի այլ պետությունների շահից:
https://www.facebook.com/babajanyana/posts/3530050177025684
