Tuesday, 19 03 2024
«Ներքին գործերի նախարարությունը 89 հատ թանկարժեք ժամացույց է գնել. «Հրապարակ»
Մոտ 5 միլիոն դրամ՝ օրացույցների և օրագրերի համար․ ԱԺ անհիմն գնումները 2024-ի առաջին եռամսյակում. «Ժողովուրդ»
ՀՀ իշխանություններն իրականում չեն պատրաստվում խզել ՌԴ-ի հետ որեւէ միջպետական պայմանագիր. «Հրապարակ»
Փաշինյանը պաշտոնա՞նկ կանի Շիրակի մարզպետին. «Ժողովուրդ»
Նիկոլ Փաշինյանն ապահովագրում է իրեն Ա եվ Բ պլանների համա՞ր
Հանրապետության նախագահն ընդունել է ֆրանսիացի մտավորականների
Պուտինը ՌԴ նախագահի թեկնածուներին առաջարկել է համատեղ աշխատել
Եթովպիայում ՀՀ դեսպանն իր հավատարմագրերն է հանձնել երկրի նախագահին
Հայաստանի և Մալթայի ԱԳ նախարարությունների միջև անցկացվել են առաջին քաղաքական խորհրդակցությունները
Վարչապետը տիկնոջ հետ ներկա է գտնվել «…և նորից Գարուն» ներկայացմանը
00:07
Բայդենը Նեթանյահուին հայտնել է Իսրայելի ռազմական ծրագրերի վերաբերյալ մտահոգությունների մասին
Էրդողանը շնորհավորել է Պուտինին
00:03
ԱՄՆ-ն չի շնորհավորի Պուտինին ընտրություններում հաղթանակի կապակցությամբ
Եղանակային պայմանները ՀՀ ավտոճանապարհներին
Արա Աբրահամյանի ներկայացուցիչը 20-ամյա երիտասարդի է ծեծի ենթարկել
Փաշինյանը փոխզիջման օրինակ է ծառայում․ 31 գյուղի հեկտարները կվերադարձվե՞ն
Մեր քաղաքականությունն է թույլ չտալ պատերազմ. Նիկոլ Փաշինյանը Ոսկեպարում էր
ՌԴ նախագահի ընտրության բուն ինտրիգը նոր է սկսվում
Երթուղայինի վարորդը և կանգառում սպասող կինը հարվածներ են հասցրել միմյանց
ՆԱՏՕ-ն նախապատվությունը տալիս է Բաքվի՞ն․ Ստոլտենբերգի «անհամաչափ» օրակարգը
«Վերընտրված» Պուտինը և հայկական պետականությունը անհամատեղելի են
Այս պատմական անողնաշարությունը չի ներվելու հենց պատմության կողմից
Քննարկել ենք ԼՂ-ից բռնի տեղահանումից հետո Հայաստանում և տարածաշրջանում ստեղծված անվտանգային մարտահրավերները. Նարեկ Մկրտչյան
Մի քանի լարի վրա չենք խաղում. իրավունք չունենք երկիրը բախտախնդրության տանելու
Պուտինի ստեփանակերտյան Նավրուզը
Podcast կարևորի մասին
21:50
ԵՄ-ը նոր պատժամիջոցներ կսահմանի Ռուսաստանի նկատմամբ
Գորիսում երեք հոգու նկատմամբ հրազենով սպանության փորձի համար հետախուզվողը հայտնաբերվել է
21:30
Նիգերը կարող է Իրանին ուրանի հասանելիություն տալ
21:20
Եվրախորհրդի որոշմամբ՝ Ուկրաինային լրացուցիչ 5 մլրդ եվրոյի ռազմական աջակցության կցուցաբերվի

«Ոլորտ առ ոլորտ պիտի քննարկեն ու ծրագրեր իրականացնեն, հակառակ պարագայում չենք կարողանա վերականգնել մեր տնտեսությունը»

Վարչապետ Նիկոլ Փաշինյանի գլխավորությամբ կառավարությունում օրերս տեղի է ունեցել խորհրդակցություն, որի ընթացքում քննարկվել է տնտեսական աճի վերականգնման գործողությունների ծրագրի նախագիծը:

Մասնավորապես, անդրադարձ է կատարվել արտահանմանը միտված ճյուղերին, այդ թվում՝ արդյունաբերության, սննդի վերամշակման, գյուղատնտեսության, ինչպես նաև կապիտալ ներդրումների ներգրավման, շինարարության, զբոսաշրջության, ծառայությունների մատուցման ոլորտներում առկա խնդիրներին: Այս համատեքստում նշվել է, որ նախագծով նախատեսվում են տնտեսության խթանմանը միտված հավելյալ գործիքակազմեր, որոնք կնպաստեն տնտեսության վերականգնմանն ու նոր առաջընթացին:

Վարչապետը հանձնարարել է սեղմ ժամկետում ներկայացնել կոնկրետ միջոցառումներն ու քայլերը: Նա իր ելույթում մասնավորապես ասել է. «Տնտեսական աճի վերականգնմանը միտված այս նախագիծն անհրաժեշտ է քննարկել նաև իրական հատվածի ներկայացուցիչների հետ, ակտիվ շփումների միջոցով ստանալ նրանց առաջարկություններն ու գաղափարները՝ նախագիծը դրանցով լրամշակելու համար»։

Կենտրոնական բանկի նախկին նախագահ, տնտեսագետ Բագրատ Ասատրյանը դրական է գնահատում կառավարության այս նախաձեռնությունը, սակայն միևնույն ժամանակ նկատում է, որ այս առումով կառավարության կողմից այս ժամանակահատվածում իրականացված քայլերը, մեղմ ասած, բավարար չեն։ Այսուհանդերձ, տնտեսագետն այն կարծիքին է, որ այս պահի դրությամբ, քանի դեռ վերջնական ծրագիրը պատրաստ չէ և ներկայացված չէ հանրության դատին, հստակ գնահատականներ տալը վաղաժամ է։ Տնտեսության նախևառաջ վերականգնման, այնուհետ նոր միայն առաջընթաց ապահովելու ուղղությամբ Ասատրյանը խորհուրդ է տալիս կառավարությանը պետական ծախսերի ճիշտ և նպատակաուղղված քաղաքականություն վարել։

«Այս ամիսների ընթացքում խիստ տուժած ոլորտներից մեկը շինարարությունն է, որն էական դերակատարում ունի համայնքային և պետական բյուջեի մեջ։ Թերֆինանսավորումը պայմանավորված է թե՛ պետական բյուջեով, թե՛ համայնքային բյուջեով, ինչը նշանակում է, որ կառավարությունն առաջին հերթին պետք է վերականգնի հենց այս ուղղությամբ ծախսերի իրականացումը՝ տարբեր  մեթոդներով ու ծրագրերով։

Սրանից հետո գալիս է ծառայությունների ոլորտը, որը նույնպես  ամենազգայուն և շատ տուժած ոլորտներից է. այստեղ ամենակարևոր հարցը ներքին զբոսաշրջության խթանումն է, որը հնարավոր է իրականացնել, մասնավորապես, օրինակ, սոցիալական փաթեթների և լրացուցիչ խրախուսումների միջոցով։ Կառավարությունը թող հատուկ միջոցառումների ծրագիր իրականացնի այս ուղղությամբ, որպեսզի կարողանանք  գոնե այդ ճանապարհով կոմպենսացնենք դրսի զբոսաշրջիկների բացակայությունն ու դրա հետևանքները։

Մյուսը  գյուղատնտեսությունն է, որի պարագայում մենք ժամանակի անիմաստ կորուստ ունեցանք. դեռ  գարնանից այդքան ասում ենք, որ այս ոլորտը պետք է հատուկ ուշադրության տակ պահել՝ հատկապես հիմա։ Հեկտարներով անմշակ հողեր կան, որոնք կարելի է  թիրախային և  նպատակադրված  ձևով օգտագործել։ Կառավարությունը թող ոչ մի բան չանող, մատը մատին չտվող մարզպետներին հանձնարարեր զբաղվել այս խնդրով։ Յուրաքանչյուր մարզպետ այս ընթացքում պետք է իր մարզում առկա չօգտագործվող հողերի վերաբերյալ զարգացման ծրագրեր դներ շրջանառության մեջ, բայց այսքան ժամանակ անցավ, ու դա էլ չարեցին։ Հիմա արդեն մոտենում է մթերման սեզոնը, և պարզ է, որ տնտեսվարողները որոշակի դժվարություններ են ունենալու՝ սկսած  խաղողից, վերջացրած մնացյալ ամեն ինչով։ Թող գոնե հիմա ծրագիր բերեն, թե ինչով են օժանդակելու իրենց համայնքների մարդկանց, ինչպես են, որպես պետություն, կանգնելու նրանց կողքին՝ լինի դա հարկային վճարումների որոշ ժամանակով հետաձգումը, մթերող կազմակերպությունների հետ  քննարկումները և այլն, և այլն, այսինքն՝ այստեղ աշխատանքի լայն սպեկտոր կա։

Եվ այսպես ոլորտ առ ոլորտ պիտի քննարկեն ու ծրագրեր իրականացնեն, հակառակ պարագայում մենք  ոչ միայն չենք կարողանա վերականգնել մեր տնտեսությունը, այլև առաջընթացի մասին էլ կարող ենք մոռանալ»,- «Առաջին լրատվական»-ի հետ զրույցում շեշտեց տնտեսագետն ու միևնույն ժամանակ հավելեց նաև՝ ակնհայտ է, որ այս ժամանակահատվածում կառավարության դերակատարումը պետք է կտրուկ ավելանա, և այս իրավիճակից  հնարավորինս  շուտ  դուրս գալու միջոցներ ձեռնարկվեն։

«Այս ամիսների ընթացքում կառավարության կողմից իրականացված հակաճգնաժամային գործողություններից  ամենաշատ արդյունավետությունն ունեցել են սոցիալական ուղղվածություն ունեցող  միջոցառումները, մինչդեռ  տնտեսական, տնտեսական զարգացման և մնացյալ  միջոցառումները շատ թույլ էին, և որակական  առումով ես որևէ փոփոխություն չեմ  նկատել։ Այո՛, ինչ-որ փոքրիկ բաներ արել են, բայց, կրկնում եմ, ըստ էության դրանք էական կամ լուրջ  նշանակություն չունեցող քայլեր են եղել։ Ի վերջո, թող սկսեն արդեն նորմալ աշխատել, թե չէ այս տեմպերով ոչ մի բանի չենք հասնի»,- եզրափակեց մեր զրուցակիցը։

Բաժիններ
Ուղիղ
Լրահոս
Որոնում