Ստամբուլում գտնվող Սուրբ Սոֆիայի տաճարում հուլիսի 24-ին առաջին ուրբաթօրյա աղոթքն է (նամազ) տեղի ունեցել այն մզկիթի վերածելուց հետո: Այս առիթով բողոքի ակցիա է անցկացվել Հունաստանի Սալոնիկ քաղաքում:
Մասնակիցները ակցիան սկսել են Թուրքիայի դրոշի հրկիզումով, ապա քայլերթ են արել դեպի Թուրքիայի հյուպատոսարան։ Հունական ոստիկանությունը, անվտանգության նկատառումներից ելնելով, թույլ չի տվել ացիայի մասնակիցներին շատ մոտենալ թուրքական հյուպատոսության շենքին։ «Ո՛չ նեոօսմանիզմին» պաստառ պարզած ցուցարարները ևս մեկ թուրքական դրոշ են այրել այդ երկրի դիվանագիտական ներկայացուցչության հարակից տարածքում։
Թուրքիայի պաշտպանության նախարարությունը խիստ սպառնալից է արձագանքել և դատապարտել է հույն ցուցարարների գործողությունները: «Կկոտրվեն դեպի մեր պանծալի դրոշը երկարող ձեռքերը»,- ասվում է Թուրքիայի ՊՆ-ի «Twitter»-ի պաշտոնական էջում տարածած հայտարարության մեջ։