Այն ուսանողները, որոնք ունեն գիտելիք, առանց ուսման չեն մնալու և բարձրագույն կրթություն կստանան։ Այս մասին այսօր լրագրողների հետ հանդիպման ժամանակ ասաց ԱԺ «Իմ քայլը» խմբակցության ղեկավար Լիլիթ Մակունցը՝ անդրադառնալով ԲՈՒՀ չընդունված դիմորդներին
«Եթե ուսանողն ունի գիտելիքներ, չի կարող այդ անձը ԲՈՒՀ չընդունվել և չսովորել։ Որքան հասկանում եմ այստեղ նաև տեխնիակակն հարցերի խնդիր է առաջացել. գրանցման հետ կապված՝ ինչպես լրացնել հայտը և դիմորդներն իրենք են որոշել, որ օրինակ երկրորդ կամ երրորդ հայտով պատրաստ են սովորել նաև այն մասնագիտությամբ, որը նշել են։ Այլ հարց է, որ գուցե դիմորդներն ակնկալիք են ունեցել, որ առաջին հայտով կընդունվեն»,-ասաց Լիլիթ Մակունցը, ով կարծում է՝ ԿԳՄՍ-ն կկարողանա լուծել այս խնդիրը, որով դիմորդները, որոնք գիտելիք ունեն, ԲՈՒՀ-ից դուրս չեն մնա։