Տավուշի իրադարձությունները ևս մեկ անգամ վերահաստատեցին, որ հայկական զինված ուժերը ռեգիոնալ անվտանգության համակարգի առանցքն են և լիովին ի վիճակի են պահպանել այդ դերը, որի խորքային նշանակություններից մեկն էլ այն է, որ անվտանգություն սպառողից հայկական պետականությունը արցախյան հաղթանակով վերածվել է անվտանգություն ստեղծողի: Եվ այդ հաղթանակի խորքային, քաղաքակրթական իմաստն ու բովանդակությունը եղել է այնքան ուժեղ, որ անգամ հայկական պետականության հետագա կառավարման մոտ երկու տասնամյակի անորակ, մսխման, յուրացման տրամաբանությամբ գործող համակարգի քառորդ դարն անգամ կասկածի տակ չի դրել Հայաստանի դերն ու նշանակությունը: Միևնույն ժամանակ, այդ դերն ու նշանակությունը, անշուշտ, չեն կարող կառուցված լինել լոկ զինված ուժերի մարտունակության ու ռազմա-տեխնիկական հագեցածության տրամաբանության վրա: Թեմայի շուրջ «Առաջին լրատվական»-ը զրուցել է քաղաքագետներ Էդգար Վարդանյանի և Կարեն Քոչարյանի հետ: