ԱՄՆ Կոնգրես Թուրքիայի դեմ պատժամիջոցների մասին օրինագիծ է մտել՝ Ռուսաստանից С-400 զենիթահրթիռային համակարգեր գնելու համար, գրում է «ՌԻԱ Նովոստի»-ն:
Նշվում է, որ օրինագծի հեղինակներն են սենատորներ Ադամ Կինզինգերը, Աբիգեյլ Սփանբերգերը և ներկայացուցիչների պալատի արտաքին հարաբերությունների հանձնաժողովի նախագահի տեղակալ Մայքլ Մաքոլը:
Փաստաթուղթը կոչվում է «Ռուսական զենքի արտահանմանը հակազդելու օրենք»:
2017թ.-ին Ռուսաստանն ու Թուրքիան պայմանագիր են ստորագրել Մոսկվայի կողմից Անկարային С-400 ՀՕՊ համակարգերի մատակարարման վերաբերյալ: Թուրքիան դարձել է ՆԱՏՕ-ի միակ երկիրը, որը Ռուսաստանից նման զենք է գնել, ինչը բացասական արձագանքի է արժանացել դաշինքի կողմից:
С-400 «Տրիումֆ»-ը ռուսական մեծ և միջին հեռահարության զենիթային հրթիռային համակարգ է, որը կարող է ոչնչացնել օդատիեզերական հարձակման բոլոր ժամանակակից միջոցները, ներառյալ հիպերձայնային զենքերը: