«Առաջին լրատվական»-ի զրուցակիցն է ԱԺ «Իմ քայլը» խմբակցության պատգամավոր Սոս Ավետիսյանը
Կայացել է ՀՀ–ԵՄ համաձայնագրի կիրարկումն ապահովող միջոցառումները համակարգող միջգերատեսչական հանձնաժողովի հերթական նիստը։ Տեսակետ կա, որ Եվրամիության հետ համագործակցությունը և CEPA–ն թերակատարվում է Ընդհանրապես ԵՄ–ի հետ պոտենցիալն ամբողջությամբ չի իրացվում։ Ի՞նչ կարող եք ասել այս մասով և ՀՀ նոր իշխանությունը կարողացե՞լ է այդ ներուժը այս 2 տարիներին որոշակիորեն իրացնել:
Թյուր է կարծիքը, թե և CEPA-ի կիրարկմանն ուղղված ռեալ քայլեր չկան: Դա առավել քան կարևոր փաստաթուղթ է Հայաստանի Հանրապետության զարգացման և զարգացող աշխարհի ստանդարտներին համապատասխանելու: Այդ ուղղությամբ այս բլոր նիստերը, որ տեղի են ունենում, կարևոր արձանագրում է: Նաև ուզում եմ ասել, որ վավերացման պրոցեսը մեր աչքից չի վրիպել, մնացել է 1-2 երկիր, որոնցից առնվազն 1-ի պարագայում գիտեմ, որ դա շուտով տեղի կունենա: CEPA-ն Հայաստանի անկախության և զարգացման կարևորագույն պայմանագիր է, որով զբաղվում է թե ԱԺ-ի համապատասխան հանձնաժողովը, թե ԱԳՆ-ն:
Ընդհանրապես ի՞նչն է խանգարում դրա արդյունավետ կիրարկման համար:
Ընդհանրապես ես չեմ կարծում, որ ինչ-որ մի ձև մարդիկ կարող են ասել, որ դա արդյունավետ չի կիրարկվում: Իհարկե, կիրարկվում է, այդ մոտարկումները տեղի են ունենում, ուղղակի սրա հանդեպ հանրային և մեդիա ուշադրությունը պետա է բարձրացվի Հայաստանում: Ուղղակի դա այնքան էլ կառավարության դաշտում չէ, պետք է հենց մեդիան ուշադրություն դարձնի դրան: Նաև քաղաքացիական հասարակությունը կարևոր դեր ունի CEPA-ի իրականացման վերահսկման տեսանկյունից, որովհետև այդպիսին է CEPA-ի պայմանագրի հոդվածներից մեկը:
Վրաստանում անցկացվելու են ՆԱՏՕ–ի ամենամյա զորավարժություններ: Անցյալ տարի Հայաստանը ձեռնպահ մնաց մասնակցել այդ զորավարժություններին, արդյոք այս տարի նորից ձեռնպահ կմնանք՝ հաշվի առնելով նաև կորոնավիրուսը, ինչպես նաև հակառուսականության մասին հայտարարությունները:
Վրաստանում անցկացվելիք ՆԱՏՕ-ի զորավարժությունների մասին դեռ որևէ տեղեկություն չունեմ, պետք է սպասենք պաշտոնական լրահոսին և ըստ այդմ հասկանանք,թ ե ինչ է տեղի ունենում: Որևէ հակառուսական հայտարարություններ Հայաստանում տեղի չեն ունեցել: Ես չգիտեմ, թե ովքեր ինչ են ուզում փնտրել:
Ինչպե՞ս եք գնահատում Գագիկ Ծառուկյանի հայտարարությունը՝ Հայաստանում հակառուսական տրամադրությունների և 102-րդ ռազմաբազայի վերաբերյալ:
Գագիկ Ծառուկյանը շարունակում է մոլորյալ լինել և պատրաստ է ինքն էլ մի ղազագիր գրել ռուսաստանյան ինչ-որ շրջանակների համար համար ալարմիտական բաներ ասելով, իբր Հայաստանում ինչ-որ նման որոշումներ կան: Բացառվում է Հայաստանում ռուսական ռազմաբազայի հարցի բարձրացումն առհասարակ, և դրա մասին պաշտպանության նախարար Դավիթ Տոնոյանը շատ հստակ է ասել, որ աշխարհաքաղաքական տեսանկյունից մենք շահում ենք ռազմաբազայի առկայությունից, նաև զենքի գների առումով դա շատ կարևոր է: Որքանով ես հասկանում եմ, Ծառուկյանի պարագայում ինքը ոչ միայն ղազագիր գրել է տալիս, այլև պատրաստ է ինքն էլ ղազագրեր գրել այս կամ այն ուժերին:
102-րդ ռազմաբազան կարևոր նշանակություն ունի Հայաստանի պաշտպանական և անվտանգային կյանքում, և պարոն Ծառուկյանը, ինչպես միշտ, իրավիճակը սխալ է կարդացել: Ինքը ընդամենը փորձում է որոշակի խուճապի կոչեր անել՝ օրենքի առջև սեփական պատասխանատվությունը լղոզելու համար և այդտեղ որևէ լուրջ բան չի կարող լինել: Ինքն այն մարդն է, որ և կարող է ղազագրեր պահանջել իր պատգամավորներից, և կարող է ղազագրեր գրել իր սեփական «բարօրության» համար:
