Այսօր՝ հունիսի 25-ին, Ազգային ժողովում շարունակվում է արտահերթ նիստը: Այժմ շարունակում է քննարկվել 2019թ. պետական բյուջեի կատարման տարեկան հաշվետվությունը:
Պաշտպանության և անվտանգության հարցերի հանձնաժողովի նախագահ Անդրանիկ Քոչարյանը իր ելույթը սկսեց ափսոսանք հայտնելով ԲՀԿ-ի բացակայության առնչությամբ: Նրա խոսքով` վերջին օրերի քննարկումները միտված էին կառավարության «անհաջողություններին». «97 տոկոսը պետք է փոխվի, 100 տոկոսը պետք է փոխվի: Ես Մանուկյան Արտակի, ֆինանսների նախարարի հետ քննարկում էի` ի վերջո սով լինելո՞ւ է, թե՞ ոչ: Սկսեցին անել բայղուշություններ, և առաջին բայղուշությունն արեց համազգային փեսան, որն իր սերիալներից մեկում անդրադարձ կատարեց մեր բանակին` վտանգելով մեր երկրի անվտանգությունը, նույնիսկ մեր հակառակորդ երկրին հուշելով, որ կարող են սկսել հարձակումներ»:
Անդրանիկ Քոչարյանն այդ ընկերներին հիշեցրեց. «Դուք պատերազմ եք հայտարարում մեր ժողովրդին, բայց դուք այդ պատերազմն արդեն պարտվել եք»:
Նա շնորհակալություն հայտնեց անվտանգության ոլորտի բոլոր պատասխանատուներին. «Մենք բոլոր ուղղություններով ունենք արձանագրած հաջողություններ: 2019-ի այս ձեռքբերումները լավ հիմք են 2020-ին պլանավորել մեր երկրի անվտանգության հետագա ընթացք»:
Մանրամասները՝ տեսանյութում:
