«Սասնալանջ կամ Մհերի դուռ». այս խորագիրն է կրում ստեղծագործական փառատոն-հավաքը, որի պաշտոնական բացումը տեղի կունենա հունիսի 15-ին: Թեմատիկան «Սասնա ծռեր» էպոսն է, և աշխատանքները սարալանջը կձևավորեն որպես Սասնալանջ, փառատոնային պուրակն ամբողջացվելու է Ագռավաքար քարանձավով: Ինչ ձևաչափով է կազմակերպվելու և ինչ նպատակներ է հետապնդում այս միջոցառումը: Թեմայի շուրջ «Առաջին լրատվական»-ը զրուցել է այս միջոցառման կազմակերպիչներ, քանդակագործ Վիգեն Ավետիսի և «Մխիթար Սեբաստացի» կրթահամալիրի տնօերն Աշոտ Բլեյանի հետ:
«Բանգլադեշի նախկին աղբանոցը, որ բնակելի արվարձանի կենտրոնում էր, սեբաստացիների՝ սովորողների, ուսուցիչների ջանքերով վերածվել է հետաքրքիր աշխարհի: Վիգեն Ավետիսի նախաձեռնությամբ արդեն երկրորդ քանդակագործական միջազգային փառատոնն է կազմակերպվում, որով սարալանջը կձևավորվի որպես Սասնալանջ»,- նշեց Աշոտ Բլեյանը:
«Այս ամեն ինչի հիմքում հրաշքն է. տարածքը, որ իրենից ոչինչ չէր ներկայացնում, այսօր խաղողի դաշտի է վերածվել: Քաղաք վերադարձավ այն մշակույթը, որ կորցրել էինք, վերադառնում է մեր էությունը, ուժը: Ես կպատրաստեմ երեք մետրանոց «Թուր կեծակի»-ի քանդակը: Մեր բոլոր ստեղծագործողները մտել են էպոսի մեջ և նյութականացնում են այն»:
Մանրամասն՝ տեսանյութում: