Ֆրանսիացի արտադրողները կկարողանան թորել մոտ 2 միլիոն հեկտոլիտր չվաճառված գինին՝ կենսաէթանոլի և ջրային-ալկոհոլային գելերի հետագա արտադրության համար: Այս մասին հայտնում է «ՌԻԱ Նովոստին»՝ հղում անելով գյուղատնտեսական և ծովային արտադրանքի FranceAgriMer ֆրանսիական ազգային հաստատության գինեգործական ոլորտի ներկայացուցիչ Դիդյե Ժոսոն:
Նա պարզաբանել է, որ նման որոշման պատճառը կորոնավիրուսի հետ կապված ճգնաժամն է, ինչպես նաև Միացյալ Նահանգների կողմից մտցված մաքսատուրքերը:
Ըստ Ժոսոյի, այս որոշմանը սատարել է Եվրահանձնաժողովը:
Այսօրվանից մինչև հունիսի 19-ը, բոլոր հետաքրքրված ֆրանսիացի գինեգործները կարող են հայտարարել գինու այն ծավալը, որը ցանկանում են թորել, ասել է Ժոսոն, որից հետո կսկսվի գինու թորման գործընթացը:
Չվաճառված գինու նման ձևով վերամշակումը գինեգործներին հնարավորություն կտա տեղ ազատել մառաններում՝ նոր արտադրանքի համար, եզրափակել է Ժոսոն:
