Արցախի Հանրապետության Ազգային ժողովի նախագահ Արթուր Թովմասյանին շնորհավորական ուղերձ է հղել Լուար շրջանի նախկին պատգամավոր, Ֆրանսիայի խորհրդարանի պատվավոր անդամ Ֆրանսուա Ռոշբլուանը:
Արցախի Հանրապետության Ազգային ժողովի լրատվության և հանրության հետ կապերի բաժնից հաղորդել են, որ ուղերձում, մասնավորապես, ասվում է. «Ուրախ եմ Ձեզ հղել իմ ջերմ ու անկեղծ շնորհավորանքները Ձեր՝ Ազգային ժողովի նախագահ ընտրվելու կապակցությամբ:
Չեմ կասկածում, որ շատ արագ կկարողանանք սերտ հարաբերություններ հաստատել Ձեր խորհրդարանի և իմ նախագահած՝ «Ֆրանկոֆոնիան Արցախում» կազմակերպության միջև:
Մաղթում եմ Ձեզ հաջողություններ Ձեր նոր պարտականություններում:
Արցախի հանդեպ ունեցած հարգանքներիս և հավատարմությանս հավաստիքով»:
